《我強姦咗個女同學》: 《我強姦咗個女同學》(十七.十五)

《我強姦咗個女同學》(十七.十五)

清晒檯面啲嘢之後，我同宛兒都未走住，繼續坐喺間咖啡室度。

大家都無講到嘢，剩係宛兒佢擺咗隻手喺檯上面，我輕輕勾住佢幾隻手指。

唔知旁觀者望住我地兩個會點諗，會覺得我地係恩愛到唔使講嘢，定係其他......其他係咩，我自己都唔知。
「佢地收舖喇。」

宛兒見人開始抹檯執嘢就提我。



「咁走囉，去行下隔離。」

我意思係行隔離嗰間便利店。
便利店嗰種刺眼嘅白光，同咖啡室昏昏暗暗嘅燈光係一種好大嘅對比。

唔知係出咗嚟成日而攰定點，突然間連自己都察覺到自己好無心機。

無心機到唔識分係嬲定攰。
「你做咩啊？」



呢種分唔清係咩嘅情緒搞到宛兒連掂都唔敢掂我。

「無啊，揀嘢飲吖，頭先杯嘢俾我飲晒。」我摸一摸佢背脊。

宛兒即刻放鬆返。

起碼我會掂返佢先。

「唔使啦，睇下啫，你呢？使唔使買嘢食？」



我搖頭。

「乖，揀樣嘢就走。」

「哦。」
宛兒喺裡面行咗個圈，樣樣嘢都認真咁望一望。

然後攞起支半隻手咁長，深啡色玻璃樽嘅酒。

「呢樣好唔好？」

「你當煮餸啲醬油咩？攞嚟做咩？」

「我知咩嚟㗎。」



「放低佢啦。」

我擰轉面就行開去。

正常我咁樣唔理佢，宛兒好大機會又會話我唔錫佢呢樣嗰樣要我氹。
「咁我買喇。」

宛兒直接攞咗去俾錢。

「喂，你飲㗎咩？」

宛兒攬住我隻手：「唔係好飲到呢啲㗎。」

「咁買嚟做咩？仲要咁大支。」



「飲唔晒你會幫我清㗎嘛。」

「無咁講過。」

我扯返隻手出嚟。

「唔係啊，你有講過㗎。」俾完錢，宛而兒抱住支酒：「咁點？買咗喇，我唔帶返去。」

「你諗你喇。」

我行出便利店。

「你有講過㗎，而家唔認數。」



宛兒追出嚟。

「黐線，你記錯咋。」

宛兒追上嚟好嬲咁打咗我背脊一下：「正衰人。」

「嗱！咪郁手郁脚啊。」我揸住佢隻手。

「成日蝦我。」

「無啊，剩係錫晒你好未。」

經過頭先坐過嗰間咖啡室，我指一指裡面。

「乖啲啦你，嚇親人喇，人地會以為呢兩個人黐線㗎。」



「咁你係吖。」宛兒好冷淡咁嘅語氣。

「嬲啊？」

宛兒擰頭。

「錫返？」

宛兒都係擰頭。

「咁......算啦，返去喇。」

……………..