《我強姦咗個女同學》: 《我強姦咗個女同學》（十七.七)

《我強姦咗個女同學》（十七.七)



宛兒所講嘅公園，係一個觀光塔步行行到過去嘅距離，之前由水族館過嚟段路無經過，所以都無留意到。

嗰度行一陣就到，入口無特别明顯地寫喺咩咩公園咁，唔知嘅可能會覺得係一個種咗好多植物嘅地方。
「叻唔叻？」宛兒要我讚佢。

「一般啦。」



如果唔係去觀光塔度睇，都唔會知道有個咁嘅地方，嘉欣都唔會特别安排我地行公園，行程表裡面都係揀啲大眾認為有興趣嘅地方嚟行。

話佢安排得一般同求其？又唔係嘅，始終佢好有心，地點同路程嗰啲細節位都計劃好晒，唔會要人行得太辛苦。

「點解你鍾意公園嘅？」

「唔好咩？喺公園嘅話，心情上感覺好舒服同平靜。」

「但......」宛兒望住地下：「呢啲活動好老。」



「老？」

「老人家先會做㗎嘛。」

「都有唔同年齡嘅人鍾意嘅，你唔覺得幾好嘅咩？以前都無聽你咁負面咁形容呢件事。」

「以前......你拍親拖都係去公園？」

「唔係啊，讀書嗰陣屋企無人就喺屋企，有人就出街，以前女朋友唔鍾意呢啲地方㗎，佢要去唔同嘅地方，有好多嘢睇，有嘢玩，有得影相，總之要靚。」



「嗯......」宛兒扁嘴：「同其他人就咁多姿多采，我就咁。」

「但以前我同你一齊住喎。」

「唔同。」宛兒搖一搖我隻手。

「咁你同男朋友平時做咩？聽你講成日等佢放工。」

「邊有成日？」

「咁你地平時會做咩？」

「做咩咁問。」



「咪講咗學下嘢囉。」

「有咩要學啫，做咩要學其他人。」

「問下點人地係點追你啫，講下都唔得。」

「咁你又係點追我返嚟。」

「你叫嘅。」

宛兒停低。

「係喎，我叫你追先追我嗰喎。」

宛兒放開手：「唔好喇，咁勉强你。」



佢自己行咗開去。

「咩事啊？傾得好地地。」

「唔好喇，你當我唔知係咩嚟嘅之嘛。」

宛兒一路講，越行越快。

「咩事啊你？」

「無嘢喇。」

「做咩突然發脾氣，我都可以嬲㗎。」



「我都無話嬲你。」

「咁你做咩先。」

「無嘢喇。」

「你都黐線嘅。」
講完呢句，我停低無再跟住佢。

宛兒聽完呢句就好黐線咁自己跑走咗。
真係黐黐地線嘅。

…………….