《我強姦咗個女同學》: 《我強姦咗個女同學》(十七.八)

 
《我強姦咗個女同學》(十七.八)
 
宛兒跑走咗之後，我自己一個喺公園裡面行。
呢度好舒服，全部都係平路，有唔同品種嘅樹，但無咩花。
咁先好，全部綠色一片，無啲無謂嘢加插落去。
另外呢度會有啲好大舊石整嘅調塑，都睇得出係咩嚟嘅，唔係啲完全估佢唔到嘅所謂藝術品。
沿途又會見到有人放狗，感覺寧靜得嚟又有種有生命嘅感覺。
 
行咗個圈，我返去原本個入口度。


入口隔離有個關於公園嘅平面圖。
我望咗眼。
呢度有三個出入口，但宛兒應該會返嚟起點呢度走，我估。
坐喺度等佢就得，唔使、亦都唔想去搵。
做咩一定要我搵佢、我氹佢，唔可以調返轉嘅。
 
坐咗喺度唔知幾耐，有兩個阿嬸走埋嚟。
其中一個同我講，話見到我女朋友喺廁所度喊。
我有少少奇怪，咩女朋友。
諗一諗，佢地可能頭先喺公園散步時見到我同宛兒，而認得應該係因為睇到我地係度嘈，所以以為佢係我女朋友。


「都唔係我女朋友。」
我有少少唔想理呢兩個阿嬸。
另一個阿嬸超熱情咁拉住我隻手逼我企起身，話女朋友係要氹定點點點，夾硬拉我去又係門口隔離間小食店度。話你女朋友喊得咁可憐，買返杯嘢飲俾佢補充返啦咁。
我好自然咁反咗下白眼，心諗，咩事、關你咩事。
阿嬸指住餐牌，叫我買朱古力，話女仔鍾意。
「佢唔鍾意呢啲嘢㗎。」
抹茶牛奶？果汁？梳打水？......阿嬸係咁講。
最後，我費事煩，買咗杯咖啡。
因為見廣告張相影得幾靚。
 


除咗宛兒杯咖啡，另外我都買咗兩包朱古力請呢兩個阿嬸。佢地確實多管閑事，但如果無佢地，我就唔知宛兒喺邊。
阿嬸仲好熱心咁幫我喺廁所門口睇水，俾我入去搵宛兒。
 
「趙宛兒。」
「唔好叫我。」
唔知點解，宛兒對於我搵到佢呢一點一啲都唔驚訝，女廁喎。
「出面有兩個阿嬸等緊你出去。」
「咩阿嬸，咩人嚟？」
「唔好理啦，我都唔知，總之你同我出去啦。」「係咪有人要入嚟做嘢？」
「嗯......你當係啦。」
 
我叫咗宛兒出去。
兩個阿嬸好喜劇演員咁喺廁所門口好誇張開心地拍晒手，好似睇人結婚喺教堂行出嚟。
 
宛兒：「就係佢地？我都唔識。」


「無所謂啦。」
我攞起宛兒隻手勾落自己手臂度：「快啲走喇，呢度啲人傻傻地。」
 
………………….