《我強姦咗個女同學》: 《我強姦咗個女同學》（十七.六)

《我強姦咗個女同學》（十七.六)


宛兒攞住兩張觀光塔入場券。

「唔一樣嘅。」

「好多都係咁，可能係幾張砌埋就係一幅完整嘅圖。」

宛兒遞俾我睇，一張係一朵花，另一張係本身座塔嘅相。



「完全唔同。」
聽講，由好多唔同嘅世界組合而成嘅先係一個更完整嘅世界。

我問宛兒：「你返嚟之後有無識到啲咩新認識嘅人？」

「無啊，咪做嘢識嗰啲。」

「咁有咩人？」



「你呢？」佢反問。

我第一時間諗起斑。

「同事都幾好吖，有個女同事，佢好照顧我。」

「教你做嘢都正常，我公司啲人都會。」

「唔一定㗎，有人同你講係你好彩。」



「咁你都好彩吖，同事對你好。」宛兒塞咗兩張入場券票尾入我褲袋。

「我覺得自己算好彩㗎，你又塞啲唔要嘅嘢俾我。」

「邊有。」宛兒勾隻尾指落我褲袋度。
佢勾住我褲袋，帶住我行呢個十幾分鐘就完全行晒嘅觀光層。

由於真係好快行完，佢去返開始嘅入口，照住牆上面寫嘅介紹讀咗一次，内容係講解呢個地方嘅歷史同發展仲有特色之處。

「有無留心聽㗎？」

「咪又係嗰啲基本嘢。」

對於呢啲資料我真係無心機去知道。



我心不在焉咁周圍望。

宛兒喺我褲袋抽返手指出嚟。

「有望遠鏡。」

佢行去一座望遠鏡前：「望到幾遠呢？」

「最多望晒呢個城市囉。」

「睇下望唔望到住嘅地方先。」

「要入錢先睇到㗎。」

我幫佢入咗個銀仔入去，由得佢喺度望。



自己就去咗望遠鏡後面嘅櫈度，坐低望住宛兒背影。

其他嚟參觀嘅遊客好多都一家大細咁嚟，望下其他人，又望下宛兒。

同樣地，其他人見到我地又會覺得我地兩個係咩關係呢？家人、情侶、普通朋友、定其他......

我會諗，宛兒其實唔係我好親嘅朋友，佢係我認識嘅同學，之後九唔搭八咁拍拖，到呢刻先諗，佢唔係個好嘅女朋友，但或者會係個我會想同佢一齊嘅人。如果有機會，我會唔會同佢做到夫妻呢？同佢一齊住、一齊生活過，無論係處於咩關係期間，都認為佢會係個好老婆嘅。
「睇完喇。」

十分鐘話咁快就過咗。

宛兒走返埋嚟，坐喺我隔離。

見我無講嘢，佢開口問：「你唔問我睇咗啲咩嘅？」



「都係嗰啲囉，屋囉、大廈囉。」

「有你鍾意嘅公園。」宛兒好開心咁對住我笑。

「去？」

宛兒好興奮咁話好。

我伸隻手出嚟，佢無諗到就攬住。
…………….