我鍾意咗我親生姐姐，但係佢已經有男朋友？！: 女神候補篇（12）

為咗掩人以目，我同Nana今日係前後腳出門口。而我亦往常咁禮貌地講咗句：「我出門口啦！」之後細細力閂門。

去到約定嘅地方，搵都唔使搵，已經喺大路中央見到Nana嘅身影。

附近嗰啲麻甩佬扮都唔扮，將心入面嘅邪念講哂出嚟。

「哇屌，好撚正呀！好想砌！」

「仆街.. 個波好大！」





「唔知如果行埋去問佢幾錢可以舔佢屎忽一下，佢制唔制呢？」

周圍嘅變態佬不斷用邪念視姦住至高無上嘅Nana，就好似一堆哥布林猴住長髮公主，而我就係守護公主嘅騎士一樣。

「Nana，唔..唔好意思呀，遲咗少少。」

Nana望住我講咗句：「唔合格，同女仔出街都遲到，減五十分。」

聽完佢講呢句，我即刻淆咗下，話晒今次都係同Molly、小倩以外嘅女仔第一次出街。





「呵…我講笑咋，唔使咁認真！」

我唔知你哋明唔明嗰種感覺，就好似同胡桃櫻出街仲要遲到，平時溫文優雅嘅佢突然間串柒你之後又話講笑。你永遠唔會知邊句真邊句假，就好似玩緊吊繩咁，隨時foul 咗你都唔出奇。

咁因為本身今日係想睇下有冇啲咩地方有靚嘅布料買，所以我故意將話題帶到呢個方向，再問佢有冇啲咩推介嘅鋪頭。最後順利地得出一個結論，我哋去咗尖沙咀某工業大廈，聽聞呢度係大部份cosplayer都會去嘅寶地。

我哋上到三樓一開門就見到有幾個女仔拎住一大袋衫行出嚟，睇嚟今日應該可以袋到唔少野落袋…

==





五花八門嘅衣料，數之不盡嘅戰衣，喺呢狹窄嘅四百平方呎，對於狂熱分子而言係無比幸福嘅黃金國。並唔係是是但但笠件衫帶個wig嘅A貨，而係真真正正嘅異國島民，將身心奉獻比二次元嘅coser。據聞只有被選中嘅幸運兒先有資格踏入呢個幻之四百平方呎。

Cos圈出名嘅龍友，A君曾經講過：「我入呢個圈咁耐，呢間店只有被認可嘅人先可以入。就算比你好彩入到去，店長都唔會比你喺度買嘢…好多野都發生喺刀光劍影之中。我哋龍友界都一致認定，呢間店嘅常客，毫無疑問係最接近二次元嘅人。」

無錯，我的而且確係話過「大部份」cosplayer先會去嘅黃金國，但只限於被選中嘅大部份。我嘅意思係，就算係資深嘅pro都有分階級，資深中嘅資深只係進入呢個聖域嘅最低門檻。

啱啱離開嗰幾個女仔絕對係熱愛動畫嘅迷戀者，但係我所認知嘅Nana係更上一層樓嘅異端。所以我希望可以親眼見證佢成為最夢幻嘅少女，滿足佢嘅心願。因為如此深愛動畫嘅人，又點會唔係可以成為二次元之中最接近coser之星嘅人。

==

「歡迎光臨，你係新人..？」

一個成身掛住毒襟，帶住圓框眼鏡擬似店長嘅女人喺衣架堆行出嚟。佢一路r頭一路傻笑圍住Nana上下𥄫。

「hmmm…作為女人，如果以百分制形容，你已經係滿分，甚至係超過二百分嘅靚女。同埋…見你站姿都好標準，無估錯應該係model。」





呢個女人淨係望都望得出Nana係model，大概係作為專業嘅觀察力。不過對於佢嘅評價我無任何怨言，因為作為四神嘅佢，仲有小櫻同Molly，你問天下間任何一個人，佢哋都只會有一個答覆…就係「好撚靚」。

點知店長嘅下一句直接推翻咗我對佢專業判斷嘅信心。

「作為雌性滿分，可惜作為coser係零分。係最差嘅零，真係好可惜…」佢一路喊一路抹眼淚。

但聽到咁嘅評價，Nana一啲氣餒都冇，反而激氣鬥志咁問：「唔緊要，零唔代表完結，零係萬物嘅開端。請你講下我零分嘅理由..」

我隱約聽到來自Nana coser靈魂入面嘅吶喊…