我鍾意咗我親生姐姐，但係佢已經有男朋友？！: 女神候補篇（8）

有人話一見鍾情就同觸電一樣，話嚟就嚟，亦有人話日久生情先係戀愛真締。無經過長年累月嘅經歷只會係曇花一現嘅錯覺，隨風而來隨風而去。

我曾經問過Molly一個問題，如果比佢揀，佢想要一段轟轟烈烈嘅愛情定係一段平淡如水嘅幸福。佢係咁答我：

「可能大部份女仔都會答想要段刻骨銘心嘅戀愛，因為咁樣先會對自己嘅選擇無悔。年輕時總係年少氣盛，往往唔會顧及後果，但係亦因為咁而錯過好多野…. 或者當刻嘅心態係同學愛新鮮戀愛大過天，不過新鮮感真係咁重要咩？如果一直以嚟有個陪伴你好耐嘅男仔，佢唔識花言巧語、唔識激嬲完你之後氹返你，但係識得將你講過嘅嘢全部記低，而且從不食言。三十年後，你再問返個女仔同一條問題，我相信每個女仔都會得出同一個答案。」

戀愛並唔係一剎那嘅光輝，而係連結至永恆嘅萬花筒，伴隨無數碎片而成，通往幸福嘅迷宮塔。

Molly雖然從未拍過拖，但係一直掛念孩提時嘅初戀。就算之後面對二世祖、金主、健美選手嘅強攻，依舊保持清如水明如鏡嘅意志，唔會因為虛無嘅因素而隕落。喺佢眼中只見到有溫柔而潔凈嘅強桿，就好似背後埋藏住一片連至地平線嘅花田，百花呼喚住各式各樣嘅小妖精，令人心曠神怡。此等景象，古代稱之爲「明鏡止水」。





==

小倩亦曾經同我討論過相關嘅話題…

「阿唏！如果你要我講揀個點嘅男朋友…我會想揀個肯陪我一齊笑、一齊挽，唔會粒聲唔出就扔低我嘅人。」

雖然佢冇望住我，但我硬係覺得佢係暗示緊我。

「我其實唔介意男朋友有冇啲咩特別長處，只要可以同佢周圍去，遊遍全世界，我已經十分滿足。我係一個戀愛腦極強嘅女仔，仲要又易呷醋同多疑，咩都會諗一餐。我可以捨棄一切，只要個男仔同我講聲我愛你，我可以一世跟住佢。最緊要係我超級痴身，所以我男朋友如果可以包容我嘅任性，就算要我死，我都義不容辭。你問我幾多次，我都係咁答你。」





佢嘅感情之旅就好似一餐豪宴，無論點盡情豪飲，都永遠享用不完嘅美食平原一樣。如同沙漠，接近無限佳餚嘅深淵欲望。盛載不了嘅酒杯，容納唔到嘅餐皿，除咗天生嘅大胃王，再無二者能夠挑戰盛世之物。如果強行吞食，只會落得一片狼藉，連屍首都唔會殘留於地上。對於一個正常嘅女仔，係會掠奪性命嘅一場危險比賽。

好明顯，小倩就係破蛹而出嘅獵情者。

==

自古以嚟，任何大素都有佢「陰」同「陽」嘅一面，愛情都不外乎。而當愛情嘅陰陽二合為一嘅時候，真正嘅愛情就會誕生…

「我係女神維納斯，代別情熱嘅女神掌管者！」





粉色嘅熱情，桃色之蜜吻，純白嘅高潔，秋色之空景。全數上限突破於櫻蘭體內嘅巨變，第一位女神終於出現喺我眼前。

「你就係櫻蘭嘅如意郎君？」

女神化嘅小櫻向我提問….