我鍾意咗我親生姐姐，但係佢已經有男朋友？！: 女神候補篇（4）

我大腦一股灼熱感，有股強烈嘅能量奔流流入我大腦，feel倒腦漿好似比熔岩燒咁。啪喇…. 啪喇…啪喇…

「啊唏！你無事呀嘛～係咪唔慣呢度啲食物呀？」

「我估係比我地兩個嘅好意感動倒至係，反正除咗娜娜仔你呀，唔會有女仔對佢咁好啦～啱唔啱呀」櫻蘭偷偷咁哨住我。

不過我又唔認同，明明小倩同Molly都對我好好，先唔係冇人對我好，你倆個唔知啫。我冇出聲繼續食嘢。

今日係我除咗家姐、Molly同小倩外，第一次同女仔可以唔尷尬地同枱食飯。唔緊張就假嘅，不過出奇地冇想像中咁dead air。





櫻蘭見我冇理佢，少少唔忿氣問：「你呀…好心啦，有兩個咁可愛嘅女仔棟喺你面前唔好掛住食啦，你冇嘢想同我地講咩？」

我feel倒魔眼除咗神魂值外，好似有一種新嘅視覺開始「醒覺」。可能同我早幾日猜想一樣，魔眼開始進化，又或者係向住其他方向昇華。我用盡全力將精神注入魔眼內部，企圖探索呢種「新能力」嘅容貌。

然後，我見到櫻蘭頭上面出現咗一句句字寫住：「無理由.. 明明我地仲靚過Molly，點解佢對我地好似冇反應咁嘅…」

我腦入面即刻閃過花音嘅能力「心電感應」，似乎我嘅新能力係可以睇得穿對方諗咩，不過只限一句。講到尾我唔係花音，冇辦法可以長期使用呢種能力，所以只可以必要時先用。而我決定宜家就係我新能力嘅處女下海…

「係呢，我想問你高中嗰陣同Molly發生過咩事…」雖然之前聽Molly提過吓，不過如果由當事人把口講出嚟，可能可以知道多啲隱情。





櫻蘭望咗望Nana，開始咗佢嘅回憶故事….

==

我同娜娜子係讀同一間中學，不過同其他中學唔同，我哋讀嗰間係全日本最出名嘅明星學校-狂宴門。唔少明星，森川葵、前田敦子都喺嗰度畢業。而狂宴門有個街知巷聞嘅制度：百傑。

百傑，顧名思義即係創校史上最出色嘅一百位畢業生先有資格冠有嘅頭銜。SMAP嘅木村，中居正廣、惡女「松隆子」，帝國烈女「中森明菜」更係當中佼佼者。而在之上嘅就係校內嘅絕對權威-天界四神。當時外界宣稱我哋兩個為最有可能成為平成四神嘅學生，就算未畢業，已經大把星探過嚟挖角….

但係我哋兩個對演藝界冇咩興趣，反而對model界情有獨鍾。利用肉體嘅欲暴力爬上世界頂點係我地嘅目標，唔靠旁門左道，只靠純度將一切吞噬…呢啲先係真正嘅最強，回歸原初嘅硬實力。





一開始，我同娜娜子已經喺校內漸露頭角，好多男仔已經對我地唾涏三尺。隨住時間推移，我地更被封為狂宴雙壁，我哋兩個都好享受呢種「溫馨」嘅日子，直到……

有日，老師介紹咗位轉校生過嚟，全校同學嘅目光都放晒喺佢身上。我同娜娜仔辛辛苦苦建立嘅努力俾佢輕輕鬆鬆咁打破哂，最不能原諒嘅係外界好快就將我地三個視為平等嘅未來四神。就好似同我哋講：係呀，個世界就係唔公平架啦，你幾努力都好，有啲人天生就有你地窮盡一生先見到車尾燈嘅魅力。連娜娜嘅男閨密都比呢位轉校生玩弄股中，block咗佢。

無錯，呢位轉校生就係Molly，我花咗好多心血先有嘅成就，佢唔使一個星期就已經到達呢個高度。為咗唔比佢阻繞倒我地兩個，我同娜娜不斷鑽研化妝技巧、襯衫觸覺、行為舉止，用盡一切辦法提升fashion sense，但可想言之佢仍然係好快就追趕倒我地。最後我自曝自棄屈居於四神末席，背叛左娜娜仔…

而娜娜仔就算係咁嘅情況，依然不屈不撓咁同Molly鬥，畢業後，兩個就入咗唔同事務所一直爭個你死我活，叫做成為咗model界廣為人知嘅超新星…. 而我就倫落到做咗喺Twitter上傳露肉照嘅「網紅」。

==

聽到櫻蘭講完佢嘅故事，我都不免開始同情佢。任何人都會有夢想，但係當自己嘅夢想被其他人踐踏，呢份情緒轉變為「憤怒」當然正常，但我始終認為無了期嘅仇恨解決唔到問題，可惜我一個局外人又有咩資格對佢指指點點。

Nana可能見情況有啲唔對路，就拍咗下手：「好啦！小櫻，傷心嘅就唔好提！難得今日我地有客人喺度，一個elegant嘅lady係好應該保持笑容。」

唔使一秒，櫻蘭就由poker face變返可愛嘅少女模式：「咁你知點解我哋要你做我地隻勾勾啦？」佢突然間喺枱底伸隻腳過嚟掃我下體：「點呀～大～哥～哥？」