我鍾意咗我親生姐姐，但係佢已經有男朋友？！: 人生相談（2）

可惜我完全醒唔起太一佢其實有個怪辟，就係同男仔出街嘅時候好鍾意打扮成女仔一樣。簡單講就係世俗所謂嘅「偽娘」，不過反正我都想了解更多關於女人嘅行為舉止，咁樣其實反而對我比較容易適應。

太一五官秀麗，化妝之後同家姐、Molly等女仔相較之下，屬於王子型嘅中性少女。再襯埋套水手服，可愛度絕對唔輸比佢兩個。我開始諗其實會唔會同太一一齊對我都係一個唔錯嘅選擇….

我：「喲！幾個月冇見，又基咗唔少喎！」

我下意識揸咗下太一個pat，佢都好配合咁「啊～」咗一聲。無錯，呢啲就係我地兩個生死之交嘅相處方式。

太一：「你老母，日光日白揸個男人屎忽，你小心變基佬。」佢講完之後開始壞笑：「不過今日我心情好，就比你見識下咩叫真正嘅靚女，有冇玩X社最近出嗰隻新game，我似唔似女主角—-吉祥院花香？我今日個look就係參考佢嚟襯。」





佢轉咗個身之後露出佢嘅招牌笑容，身為男人嘅我都差啲招架不住，好彩大腦不斷提醒我「佢係男人佢係男人」，先令我冇釀成大錯。

街邊啲人見到太一都忍唔住望多幾眼，大家都比佢妖艷嘅外表吸引到。

我：「好！知你靚，入正題先。」

由於幾個月冇見過，我地入到酒樓就講咗一大堆嘢，而我都用咗幾個鐘時間將我同Molly仲有家姐嘅關係全部歸納曬比佢聽…佢聽我講完都O咗嘴完全不敢想像仲對我表示敬意。

太一：「話咗你架啦，引火自焚啦今次…一早有小倩你唔上，家姐你又拖，到宜家呢個Molly你又搞曖昧….我睇你幾時死。」





我：「唉呀，你幫我啦唔該！一世人兩兄弟，你自己就食唔少女，我一條女都冇呀。我成世人最有出頭天就今鋪架喇。」

太一聽完我講後陷入沉思，若有所思嗡咗句：「不如咁啦，你試吓同我講你平時同女仔出街會做啲咩，我再睇吓下一步點做啦..」

去到呢一步，我又將之前同Molly出街嘅兩次經歷爆曬出嚟。

如果話太一係少女愛情嘅高人氣男角色，我應該就係佢旁邊嘅陰沉格仔衫食物鏈底層。經過呢幾個月同三個女仔出街嘅經驗，自問都有少少長進，但願唔會係毒撚嘅錯覺啦哈…

過咗唔知幾多秒，太一終於開口…





啊.. 差啲唔記得，太一其實仲有個裏人格，就係如果對某話題太熱情，而且又係女裝嘅情況，佢就會進入另一個人格，直到話題結束。我可以好肯定佢宜家已經唔再係太一，而係內心深處嘅同體異心嘅另一位女士，花音。換言之…宜家嘅佢係貨真價實嘅女仔。

「好耐冇見喎，阿唏，等妾身教你點做人啦～( ◠‿◠ )。」

佢直勾勾咁望住我笑，似乎盤算緊啲咩..