我鍾意咗我親生姐姐，但係佢已經有男朋友？！: 人生相談（1）

不過如果突然之間問家姐關於情侶之間互動嘅話題，以佢多疑加病嬌嘅性格…. 應該會有唔少麻煩同埋會監控住我動向。同Molly嘅接觸一定會減少好多，諗諗吓都係唔好問佢住….

我打開WhatsApp搵咗陣，決定搵中學其中一個比較熟嘅朋友傾呢件事…

我：「喂！太一，有啲嘢想同你針針，好撚急，你唔幫我就死撚硬。」

太一係我中學嗰陣啊唯一比較熟嘅宅宅friend，明明大家都係熱衷於動畫嘅毒撚，但唔知點解佢特別受女同學歡迎。

仲記得有一次我同佢明明打緊機，有幾個女仔衝咗過嚟仲爭先恐後叫佢陪佢哋去機鋪打機…完完全全無視左格離嘅我。自問個樣都唔係咁差，但係中學就真係零女人緣…啊，都唔係嘅，至少仲有小倩陪我渡過左短暫嘅時間。





太一：「做咩啫，又係你同你家姐啲亂倫愛情史？定係同阿小倩愛火重燃呀。」

我：「唔鳩係呀！唔關佢兩個事，都唔係唔關，不過唔係main point囉！其實係關另一個女仔事…」

太一：「我屌你啦，都唔知點解你次次都咁有桃花運，次次埋親你身都一定係靚女。我嗰堆就全撚部都係垃圾。」

我：「你死啦去，校花阿敏，女神grace嗰啲唔係靚女？個個都讚佢地金童玉女同天之嬌女…」

太一：「但係我鍾意嗰個係小倩呀，簡直係我dream girl，你條友咁就食咗佢…」





雖然旁人眼中我同小倩可能係情侶，但其實我同佢根本乜關係都冇，仲要係我單方面回絕咗佢。一般而言，正常男仔一定會九秒九回應小倩嘅感情，可惜我對家姐真係太上腦…而家下又對另一女仔咁上心。完全係侮辱左小倩嘅戀心。

我：「屌，總之聽日你出嚟啦，我請你食飯啦…」

太一：「OK! 殺你！聽日見。」

之後，同家姐嘅人生相談就變咗同太一嘅基情約會。