我鍾意咗我親生姐姐，但係佢已經有男朋友？！: Molly的初戀（特別篇）[Molly視覺］

每一個女仔喺小學都一定會有個比較在意嘅男仔，即使係天生女神命嘅人又好，天生臭雞格嘅player 又好。由於仲未接觸過社會嘅催殘，少女們始終保持住一顆純潔嘅心，對於愛情仍然擁有赤裸裸嘅憧景。而呢份情意結將會為佢地未來人生劃下一個重要嘅位置，Molly亦都係呢場戀愛裁判嘅受害者。

我叫做Molly，係一個中日混血兒，喺仙台出世。中二之前都係喺日本渡過，由於在日時間唔算太長，過於繁複嘅日文其實都唔係太識。你哋可以叫我「假日本人」，我完全唔會介意。只不過搬咗嚟香港之後，生活就開始有某啲轉變。

由於我係中學裏面唯一一個日本人，其他同學仔都好鍾意開黃腔去整古我，成日講埋啲「kimochi，iku」嘅下流用語去抽我水，雖然我通常一笑而過，但聽得多都唔係太好受。只有一個例外，印象中嘅嗰個男仔叫阿…，老實講我都唔係好記得佢叫咩。不過喺我腦海入面佢好鍾意長頭髮，所以我一直到宜家都冇剪短過。好啦，咁我繼續講，佢係唯一一個會挺身而出嘅男仔。當時我第一眼就已經深深咁愛上咗佢，因為就算對手係中學嘅大惡霸，佢一樣會保護我。人哋講我十句壞話，佢就打返人十拳，直到宜家我都想親口講返聲多謝。

仲記得有一次班上面一個叫阿叻嘅咸濕佬想揸我個波，佢一拳打到對方流晒血，仲大大聲屌柒對面「咪掂Molly呀！！」嗰單嘢直頭傳到去其他學校轟動一時，風頭何謂一時無兩。我記得好清楚佢係我地學校小學部嘅同學，佢仲同我講：「Molly姐姐，有咩事你即刻同我講，我一定會保護你。」可惜之後我轉左校就冇咗佢contact，淨係記得佢送咗我一條鏈，上面印住咗一段奇怪嘅文字叫koko..peri？Anyway，從此之後我就冇再遇到一個好似佢咁嘅男仔。你話啊唏？佢啊～對我而言佢咪係一個毛都未生齊嘅Dee Dee！不過又有啲似個男仔嘅。哼～當然只係少少咋，at least佢扮我男朋友仔果陣又幾man 嘅！

如果比我再見返佢，我一定…..






阿唏：「喂，Molly，你做咩發哂吽豆呀？冇咩事嘛？唔係去玩咩？」

比佢咁叫一叫，我個人即刻醒神晒：「sorly呀！姐姐我啱啱諗起啲往事，唔好意思呀！」我單眼伸脷扮可愛雙手合十咁撒淋。

「至多一陣比你摸下我對波仔啦～係咪好耐冇摸過呢～」我笑住咁引阿唏，唔知個男仔係咪都鍾意大波呢？相信如果佢見到我，應該會同阿唏一樣反應。

阿唏：「話說想問你好耐，你呢條手鏈好熟面口，你邊度拎返嚟架？」

我：「講你都唔知架喇，係姐姐我N年之前初戀比我架.. 不過都好耐之前luuu。由佢喇～」





無錯，有時啲嘢唔使刻意搵出嚟，留喺心入面做珍視嘅回憶就好。或者有一日，佢會以另一種方式出現喺你面前。人哋話初戀係畢生難忘，但係我覺得呢份甘甜會成為你日後嘅養份。宜家嘅我，只需要正視阿唏就可以！