我鍾意咗我親生姐姐，但係佢已經有男朋友？！: Molly的約會（4）

Molly本身係一個思想跳脫嘅人，佢想去邊度旁人絕對無跡可尋。今日話咗陪佢全日但基本上我唔會知佢帶我去邊。平時同女出街多數係我plan行程，但係同佢出街就肯定調返轉。不過又唔代表差嘅，至少我唔使左度右度去邊度玩，作為女朋友佢一定係一流。咁完美嘅女仔配上我真係合適？明明應該慶幸有佢陪伴，但我心有所屬，已經係家姐嘅裙下之臣。唉，Molly你哪怕只有一個缺點，我都可以過得心安理得。（哭）

Molly：「阿唏！今日嘅第一站！就係同我去睇畫展！以前細細個我成日偷偷哋去仙台附近嘅arts gallery參觀油畫。因為我覺得佢哋可以將心入面諗嘅嘢以畫畫嘅形式表達比我地睇好勁。有時候某啲嘢用把口講唔到，用抽象嘅概念去呈現出嚟或者係對心靈最後嘅救贖…」「加上我好羨慕佢哋可以無拘無束咁創作自己鍾意嘅嘢，唔使理旁人目光，你唔覺得佢哋好似神話入面嘅神咩？你可以全心投入到自己嘅世界，活喺響往嘅自由國度…」

我第一次聽到Molly咁多嘅心裏話，再一次覺得佢同普羅大眾嘅女仔唔同…假如係家姐，一定係睇名牌扮文青。假如係小倩，應該周圍逛下打個卡就收工。而Molly係打從心底對自己嘅興趣表達愛慕，同佢率直嘅性格相映成趣。雖然好多人都屌鳩啲人太直接，但個人認為呢啲可圈可點。我對於佢嘅觀點除咗佩服就只有尊敬。

我：「咁你平時唔約fd出街嘅？應該點都有幾個fd同你有相同興趣掛？」

佢好似有啲反白眼咁做咗個嫌棄樣：「算把啦，我份人咁悶冇人會想同我傾計囉！好彩呢度有位方方便便嘅可愛dee dee，姐姐我生活先叫多姿多彩咋。」





不過我就唔buy佢嘅講法：「點會呀！先唔講個樣，你淨係性格都贏哂其他人啦.. 點會冇人想識你呀。」

Molly：「都唔係冇嘅.. 返工嗰度都有幾個男仔成日想約我，不過我冇理佢地啫。」佢好快咁望左我下，之後又話：「而且～你想我同其他男仔出街咩。」

我下意識向下望：「咁又唔係，不過我覺得正常嘅社交都係必要嘅。我見你平時都係屋企hea，instagram啲相唔係打機就係煲動畫。真係有啲擔心你嫁唔嫁得出。」

Molly:「我嫁唔出…你會唔會要我…. 啊～～」

佢講呢句野嘅時候個樣又係紅哂咁，搞到我都勁驚青。話雖如此，我依然唔覺唔覺咁俾佢吸引望住佢。





我：「我…」

Molly：「哇，到啦！黎咗香港咁耐第一次參觀畫展，唔知佢哋畫成點呢？不過應該唔會差嘅，之前見門小雷啲design都幾不錯。我對你地好有信心！嗯嗯！」

如是者，我又miss咗個機會去應承佢嘅求婚。然後我同Molly約會之旅嘅第一站終於開始…