我鍾意咗我親生姐姐，但係佢已經有男朋友？！: 情敵 （二）

雖然同小倩一齊係幾開心，不過只係僅此於呢種程度。比起「鍾意」，更接近係內疚。


「阿唏！阿唏！」

喺我神不守捨呢段時間，小倩已經叫咗我幾次，不過我都無為意。


「你頭先有冇聽我講嘢架？唔理你架..」






「係！係！對唔住，大小姐。我只係有啲擔心家姐啫！個阿Paul會唔會對佢不利，諗到呢度就…」

見到我悶悶不落咁，小倩吐嘈左下。


「原來你係姐控嚟，竟然咁擔心你嘅姐姐大人。」


佢仲要將「姐姐大人」呢四個字特登放慢講，有意嘲弄我，不過我都唔執輸，即刻串番佢幾句。






「梗係啦，我嘅姐姐大人係全世界最靚最可愛，無人夠佢有魅力！」


「係呀！幾好，我已經錄低晒了。唔想我send比佢就陪我行街啦。」



我只好跟佢走，免得呢段嘢公諸於世。






「其實..頭先個阿Paul係公認狗公王，你如果要家姐同佢劃清界線有一定難度。因為佢口甜舌滑，基本上同佢一齊嘅女仔已經比佢氹到暈陀陀。」


諗返轉頭，家姐比我幾句讚美幾句已經濕晒，何況比阿Paul氹。可以好肯定隻豬都冇咗九成。


「不過，我見你家姐頭先望我嘅眼神好有殺意，唔通你哋…」


『閘住！我同佢無嘢囉！』

雖然我極力否認，但小倩仲係半信半疑。







講完呢句之後，我哋就啱啱到達目的地，我哋以前讀嘅中學。