我鍾意咗我親生姐姐，但係佢已經有男朋友？！: 情敵（三）

入到學校，我諗返起以前好多嘅回憶，同小倩周圍去玩，去睇戲，去溫書，種種唔同嘅經歷。正常人應該係會覺得「啊，係初戀嘅味道呀」，之後就會因為孤男寡女共處一室情不自禁做出一啲十八禁嘅愛情故事。（當然只限於雙方都對大家有好感嘅前提，所以乖乖嘅小朋友千祈唔好衝動。）可惜，我並未有呢種心情，因為我實在係太擔心我嘅姐姐大人。

可能係察覺到我有少少異樣，小倩痴到我好埋，「喂！你啊，係咪仲諗緊第二個女仔啊。」佢嘟起嘴仔個樣真係cute到爆炸，你地可能會話我係花心大蘿白，但係試問邊會有男仔忍到如此可愛嘅女仔對你撒嬌。

「我…冇呀，你諗太多啦，我又點會cheap到同一個咁靚嘅女仔出街同時又諗住另一個呢？」雖然我平時真係唔係太識講大話，但係呢個時候都要頂硬上，否則等天收都似。


小倩：「估撚倒你…」

話口未完，佢即刻掩住自己個口。






小倩：「唔…唔好意思呀..」

果然，時間係把殺豬刀，原來呢幾年嘅時間，小倩終於由一個乖乖囡變咗做一個會講粗口嘅壞女人（笑）。

我：「其實又冇咩嘢，有邊個唔講粗口啊，不如話唔講嗰啲仲假啦。有時唔需要刻意保持自己形象，人一世物一世，及時行樂都好重要。而且我都叫見識倒你另一面，啱唔啱聽先，壞。女。孩。」

可能係俾我刺激到，佢即刻用十成嘅力量踢落我賓周仔上面。





小倩笑笑口噉講：「係咩，哦！好呀，呢腳就送比你啦，咸濕仔。」


我哋兩個就係咁喺學校打鬧咗成晩，好似返到當初一樣。


但當我返到屋企，一種嘔心嘅感覺又開始湧出嚟。


（待續）