我鍾意咗我親生姐姐，但係佢已經有男朋友？！: 行衰運 (序）

可以同家姐正常相處已經係我呢幾年最大嘅願望，雖然佢間唔時都會癲下，但係起碼個隔膜一定比以前少。

能夠令我打從心底改變自己嘅係小倩，如果唔係佢嘅一句說話，我唔會敢向家姐坦白，唔會敢對家姐付出我嘅真心，所以要多謝嘅人，一定非小倩莫屬。

講到呢度我已經打緊比佢。

我：「小倩，好耐冇聚，不如搵日食餐飯呢？」

我同佢都已經五六年冇見，一場朋友都想知道佢宜家過成點。





小倩：「咁呀....不如就聽日啦，好冇啊。因為我平時都要返工，放工都起碼七八點。而且既然出到嚟你要陪返我成日架，當係報答我比你嘅建議！」

就用動物打個比喻，家姐係貓，Molly係狗，咁小倩就係狐狸。你唔會知道佢幾時講真幾時講假，比起Molly嘅小惡魔孩子王，小倩就係將你玩弄於股中嘅狡猾專家。雖然以前同佢曖昧過，但由初中開始就已經聽過佢嘅傳聞，表面上係人見人愛嘅班上中心人物，實際上係有仇必報心狠手辣嘅心計王。

我：「就咁啦！聽日見。」

收線之後我就係咁諗聽日同佢見面嘅情景。曾經最親嘅我哋相隔幾年再度相遇，大家都經以成為成年人，睇到嘅嘢已經同以前唔同，究竟我哋會仲係朋友，定還是....

時間話咁快去到另一日，我所畏忌嘅事終於發生，就喺我仲等緊小倩嘅時候，竟然比我撞到Molly。





Molly: 「Hi!!!! 幾日冇見，好掛住你呀。男朋友，點呀，你同家姐好返未呀？」佢Q實我對手，對波貼曬埋嚟，我都已經聽到佢啵啵啵啵嘅心跳聲。「相請不如偶遇，我哋今日再出街街呢～反正我今日冇嘢做♪」

同一時間，茫茫人海之中，我見到小倩行緊過嚟。