我鍾意咗我親生姐姐，但係佢已經有男朋友？！: 行衰運（始）

小倩本來就行得唔快，距離我呢個位置大概仲有三四米加上周圍人山人海，唔望真啲好難察覺Molly企喺我旁邊。原先仲打算打發Molly走，但宜家睇怕難上加難。

琴晚小倩話今日要陪佢成日，宜家Molly又話要我同佢行街，用排除法黎計，優先處理嘅一定係Molly, 因為前幾日先同佢出過，宜家又同佢一齊對小情好衰。加上Molly呢種性格只要我氹一氹佢應該可以搞得掂。

「Molly, 你聽我講，其實今日我約左我家姐，上次冇同佢揀倒禮物比男朋友所以今日又同佢出去。」

去到如此危急關頭，假如佢再死纏爛打，我就真係會陷入修羅場局面。講就咁講，其實佢唔一定會走，真係拎條命去博，五五波。個心好似玩緊過山車，完全感覺到離心力，隨時死。如果比小倩見到Molly痴到我咁埋一定會誤會，而Molly一定會覺得我係花花公子。到時炸彈一觸即發，我會被冠上賤男之名，家姐知道之後分分鐘會鄙視我，最後一無所有。

出個街都要用腦，我終於明白啲player同fuckboy點解甩咁多頭髮。Molly眼神話比我知佢唔想走，郁都唔郁下反而貼得仲埋左。「我唔理啊，今日你一定要陪我啊，你話過要扮我男朋友架，講過唔算數^n^」我知道我再拒絕佢一定會變bad end, 比佢嬲死。





我移一移我視線，小倩已經企左係我側面，5cm都冇。如果冇我背向佢，大戰已經開始左。小倩一個一個字咁㩒，可以肯定十秒後我電話就會響。但呢十秒對我來講就同十個鐘一樣漫長，我儘量推開Molly希望可以拉開距離。如果神真係存在，我只希望佢可以實現我一個願望，就係比我變透明。我合埋雙眼準備受死，我知道今鋪死撚硬，忍唔住細細聲屌左一下。點知.....

Molly「唓」咗一聲，捏左我個肚一下，用口形問我係咪約咗另一個女仔出街。

我心虛咁up咗頭，唔敢望佢。明明同佢唔係拍緊拖但搞到好似偷食。佢指左後面一下然後少嬲咁踢咗我隻腳一下，再烏低身話「下次一定要陪我啊！」

無十成都有九成，肯定係小倩打比我嗰時比Molly見到聯絡人個名。危機暫時總算解決，但我個心依然凝住有少少不安嘅預兆。