我鍾意咗我親生姐姐，但係佢已經有男朋友？！: 出租女友？（上船篇2）

Molly坐咗喺我旁邊，佢一身華麗嘅打扮令船隻嘅其他人特別渺小，簡直唔同層次，同我一齊出街簡直係一朵鮮花插在牛糞上。

「係喎～上次同你出街嗰個女仔係邊個嚟㗎？我記得佢好似話唔係你女朋友。」

好在佢都叫做搵到啲嘢講，如果唔係呢幾個字都唔知有乜可以做。

「佢係我家姐嚟，不過唔知可以買啲咩比男朋友做拍拖周年禮物，所以就叫咗我去陪佢揀。我原本都唔知可以買啲咩，但比著我，我會想女朋友買啲情趣用品比我囉。」

Molly: 「呵～所以就黎成人店...」





佢半信半疑咁答，「咁你有冇女朋友仔呀..嘿嘿。」好似想chok我料咁樣，繼續追問。

「我點會有呀...又係毒撚又唔識氹女仔，而且又未有工返，死廢青一個。」今次到我奏眉頭，諗起同小倩以前啲嘢。

「咁你呢？有冇男朋友呀？」既然佢都已經問咗我，我問返佢好正常啦。

Molly認真諗咗諗，細細力呼左一口氣，「其實本身我都唔想同人講咁多呢啲嘢，不過...」佢咬咗一吓下唇。「我以前有一個男朋友，佢叫阿晞，同你一樣名。我同佢同一間中學，由細識到大，日日返學放學都一齊走，糖黐豆咁。屋企人都覺得我地大個會結婚，因為我地真係好sweet。」講到呢度，Molly已經眼濕濕，泛住淚光。「有一日返到屋企，我見倒有對未見過嘅波鞋，以為係佢啲friend嚟左打機啦。點知一開房門，我見到我阿媽同佢冇著衫攬埋一齊。兩個係咁郁係咁郁。我永遠都唔會唔記得佢兩個望住我嘅眼神。」Molly終於忍唔住喊咗出嚟，佢阿媽為咗同佢男朋友搞嘢，竟然呃曬佢成家，搞到頭家四分五裂。

我冇乜可以做，唯一可以嘅係聽佢講到尾，俗語話陪伴係最好嘅安慰。佢繼續用沙啞嘅聲音講「阿媽為咗同個賤人一齊，同老豆離婚，搞到老豆癲咗入埋青山。最後我接受唔到離家出走。但係...」佢哭成淚人，喊喊下瞓咗喺我膊頭上。我唔知佢過去係咁淒慘，眼見佢平時咁姣仲以為佢係啲好隨便嘅人。家家有本難念的經，只能夠話蒼天冇眼，令佢童年有咁不幸嘅遭遇。





就係咁，二十五分鐘過去，我哋終於到咗灣仔。