我鍾意咗我親生姐姐，但係佢已經有男朋友？！: 出租女友？（上船篇）

行到咁上下，我同Molly已經見倒電車站不過排曬長龍，宜家呢個時勢起碼要等返一個鐘左右。平時搭電車一分鐘都唔使，今日同女出街就迫爆人，唔通連個天都唔鍾意我？

可能見我有啲失落，Molly主動安慰我，「唔緊要啦，下次再搭過啦，反正有你陪，我都好開心。」佢將我隻手放喺佢耳仔旁邊，「你睇吓！啲貓貓平時開心，耳仔就會郁嚟郁去。你望住啦。」佢用力一chok, 耳仔竟然好似小飛象咁，向上向下罷動，好難想像佢會做啲咁小兒科嘅舉動。

「得啦...得啦..！」

我唔爭氣咁比佢引到笑咗出聲，呢啲咁細心嘅行為如果發生喺家姐身上就完美。

「咁我哋宜家就去搭船啦，反正先三點幾！大把時間。而且今日之前我都係你男朋友，你要聽我講呀！」





為咗報答Molly引我笑，今日一定要好好扮演男朋友呢個身份，唔可以再垂頭喪氣。十指緊扣咁捉住佢隻手，細心品嘗佢纖細又白滑嘅觸感。呢次係我第一次拖女仔嘅手，由細到大我都未試過拖女人手，不論係家姐定係小倩，宜家就好似韓劇入面啲oppa拖住女主角一樣，極之浪漫。

「嘿哈...嘿吸...」

Molly偷偷咁笑咗下。

「你係咪第一次拖女仔手呀？」Molly一臉滑稽咁望實我，「你拖都錯曬啦又拖得太大力，如果你咁拖第時點識女朋友呀？」佢塊面貼到好埋，我同佢之間嘅距離都唔知有冇3Cm，從佢嘅曈孔之中，我仲清清楚楚見到自己個樣。聞倒佢身上面散發出淡淡嘅香水味，我個心跳到好似光速咁，好撚緊張。

「我教你點拖女仔手啦。」





Molly先將食指搭喺我手背上再用指尖輕輕滑到我手指公。將我隻手指公包到實一實，其後再用尾指掂一掂我中指，喺我中指指頭不停打轉，好似啲AV女優用條脷奶個男優乳頭咁。同時運用熟練嘅動作將佢隻手掌貼實我手掌，完美將我地兩個五指之間嘅空隙夾實。

「咁先係拖手架嘛！」

Molly色氣地望住我，喺我耳邊不停吹氣，好似勾引我食咗佢咁。「真係失策呀你，唔合格呀！男朋友。」

雖然係咁講，佢依然拖到我實曬，唔比我有鬆手嘅機會。最能夠收服男人嘅，唔係傲人嘅姣好身材，而係女仔認真率直嘅態度，絕無虛假嘅心意。Molly口就話我唔合格但我知道佢其實係好開心，就算係我呢啲A0狗都feel倒。我拖住佢去到碼頭，途中有講有笑，我開始覺得有啲戀愛嘅感覺。

我：「係喎！你想去邊呀？灣仔定中環。」





Molly二話不說即刻答我：「就灣仔啦！知你想搭丁丁呀！」

佢笑笑口咁拉走左我去往灣仔方向嗰邊。

我同Molly係第一次出街，但比我嘅感覺已經好似出過好多次咁，唔同家姐嗰種feel, 完全係自由自在無拘無束咁，呢種感受比小倩嗰陣時更為強烈，更為有力。我意識到自己開始留意佢，心入面又明白自己需要嘅係家姐先啱。唔應該對Molly有非份之想，但今日同佢一齊嘅時間真係好幸福好舒服，我質疑自己係咪真係鍾意家姐定還是只係想同家姐搞好關係。兩種唔同嘅衝擊不停徘徊於我嘅感知之中，一邊就叫我食咗Molly一邊就叫我唔好花心。

不過我始終都係未知點解Molly會咁熱情於我，我有意無意咁問佢：「係呢！你有冇鍾意嘅人呀？」

Molly靜咗，無出聲，淨係呆呆咁O左一下。唔知係對我個問題太驚訝定係唔想答，佢淨係輕輕彈咗我額頭一下，「宜家你係我男朋友～你唔覺得咁問好失禮咩，講到我好似啲偷食女人咁。」佢有少少不滿咁奏起眉頭。

女人果然係一種古惑嘅生物，永遠都可以巧妙咁避開問題核心，用問題回答問題，講完等於冇講一樣。我冇再深入問佢，話曬同佢都只不過識咗一日，無謂為咗滿足好奇心而迫佢講。

過咗五分鐘之後，船終於到。我同Molly終於可以上船。