我鍾意咗我親生姐姐，但係佢已經有男朋友？！: 危機迫近

張開雙眼，又係相同嘅景象，熟悉嘅天花板。我勃開窗簾，外面秋高氣爽，陽光射入我間房，曬到我個人醒曬。開心嘅時間過得特別快，琴晚同家姐傾咗好耐計，好似一對十年冇見嘅朋友咁，雖然過程有啲啲尷尬，不過算係咁啦。

今日係星期四，家姐同朋友出咗街，冇人喺屋企，得我自己一個。呢啲時候唔係打飛機就係睇YouTube。生活可謂極之枯燥。

（叮）

電話突然響咗響，我睇吓邊個會msg我呢個毒撚先。

「Molly...?」





一時之間我唔記得邊個叫Molly, 我嘗試回想呢個月識咗啲咩人，全部都係家姐，家姐同埋家姐。隔咗陣我恍然大悟，總算記起Molly係成人店個女職員。

「你今日得唔得閒呀？人哋好悶(´▽｀)可唔可以陪下我呀...」

我心諗唔通我嘅桃花期開始嚟？先係家姐同我出街，之後係小倩搬咗去我屋企附近，宜家係一個識咗唔夠3個鐘嘅女仔約我出街。比著係平時我一定狗衝，但我又唔想咁花心，如果家姐知道我同其他女仔出街一定會鄙視我，用望垃圾嘅眼神望我，叫我「垃圾、死淫蟲、賤豬」。

可能見我冇覆，Molly又send咗個message比我「嗱，你冇得唔嚟呀！我宜家出門口，一個鐘之後銅鑼灣地鐵站等，不見不散哦(*≧ω≦)！」

講到呢個地步，我想唔去都唔得啦。我裘期著咗件U記衫同長褲就出門口。不過家姐同Molly真係有少少似，又係唔聽人講同埋我行我素。時下嘅女仔我真係睇唔透，明明只係見過一面都要約我呢啲毒撚出街，話係騙案都可能有人信。我回想起第一次見Molly佢係好似好怕羞，掂到佢少少已經塊面紅曬，實在估唔到佢係咁outgoing。





（下一站，尖沙咀）

話咁快已經去到尖沙咀，家姐呢個時候罕見地msg我，「我今日夜晚會去阿Paul屋企度，唔使等我門。」勢估唔到第一個message已經狠狠地插咗我個心一下，令我欲哭無淚。

「不過...我下個星期都有日得閒嘅，我哋可以出個街嘅，講明先，淨係出街咋( ･᷄ὢ･᷅ )」

可能顧慮到我心情，家姐好快補咗句，佢啲反應真係好可愛，搞到我不知覺笑咗出聲。宜家都唔知嬲定好笑。但眼下要解決嘅係另一個難題....一個三唔識七但又有啲神秘嘅淫少女，Molly。