我鍾意咗我親生姐姐，但係佢已經有男朋友？！: 危機？

見到家姐咁開心，我真係好想趁機會拖住家姐隻手，不過我又唔知佢會有乜反應。

「...」

「係喎，你覺唔覺得凍啊？」

「凍咩？唔凍啊！」家姐一臉疑惑望住我。之後繼續攬住隻「善逸」公仔，不停用塊面豬登磨落去度。

「....」





我對自己嘅膽小覺得無奈又無助，明明大好機會又唔敢出手，望住自己狼狽嘅模樣，直頭係男人之恥。

家姐行近我度「話說你諗住帶我去邊架？一陣間仲要揀禮物比阿Paul, 我今晚約咗佢食飯架！」不知不覺間已經四點正，距離六點仲有兩個鐘，根住就要放人。

「errrr...」

「如果比你揀，你會想我送咩比你呀？」佢眼定定望住我，細心一聞，仲有陣香香地嘅士多啤梨味。睇嚟佢都真係幾鍾意阿Paul, 竟然咁認真考慮呢個問題，不過家下我已經俾佢陣味吸引住。

「ummm...errr...」我一時之間真係唔知想要嘅咩，如果硬係要講，就係家姐本人。





「咩你咁婆媽架，快啲講啦！」家姐一嬲，塊面就脹卜卜咁，好似啲倉鼠咁。不過今次嘅嬲又同平時有少許差別，帶點稚戲，好似細路仔同老豆撒嬌咁。

「如果係我..我想要...你...咁架..囉...」

因為我真係太緊張，把聲都震曬，連嘢都講唔正。不過總算將想講嘅嘢講咗出嚟，家姐無出聲，上下打量住我。

鑑於實在太唐突，我呢個同佢冇深交接近五年，仲要係親生細佬嘅男仔宜家同佢表白，單單係呢下已經好奇怪。

偏偏家姐宜家有男朋友，仲要同佢感情都幾深，我選呢個時候進攻其實都好難得米。話就話啱啱同佢有返交流，不過送得一個公仔點同人地一年時間比，簡直係小巫見大巫。而且阿Paul又係做緊經理，人工多過我，份人又有情趣過我，係咁易笑下已經成班女濕曬。





外表，條件，家底，氣質，呢四樣嘢已經夠收我皮，我根本冇撚得鬥，尷尬死。

「ummm...你想要我？」

家姐目瞪口呆，估唔到我竟然會講呢啲。

佢好似飲咗定型水，郁都唔郁下，就連手上嘅善逸都跌咗落地。

「對唔住..我好亂，我冇諗過你會鍾意我，你可唔可以比我靜下，而且我有男朋友，sorry, 我唔知應該可以點。」

佢粒聲唔出，就走左，剩返我on99棟喺度。