尋人啟事: <4.香港(上)>
<4.香港(上)>
17歲果年既暑假,
我終於草夠錢可以買來回香港既機票,
同埋10日左右既住宿,
6月30日,
果陣岩岩放暑假
我同阿姨阿叔食飯既時候。
我:阿姨,阿叔
姨:咩事?
我:我有d野同你地講
叔:有咩事唔怕講喎
我:我想返一返香港
姨:......
我:我預備左好耐架啦,我真係好想問清楚我阿爸....
姨:咁你諗住幾時去?
敏欣:我都要跟埋去!!!
我:下個禮拜,去10日左右
敏欣:咁我呢??
我:唔夠錢呀...而且呢d係我既事..
敏欣:唔得,我都要跟埋去..
敏欣真係好似好想去咁
好少見到敏敏咁既樣..
但係無奈...我草到既錢都只係岩岩好...
我:敏敏,真係對唔住...我真係唔夠錢...
叔:機票錢我比啦,多一個人陪你返去都好!
敏欣:多謝阿爸!!
敏敏突然之間黎個熊抱抱住阿叔,
見到敏敏真係好開心!
唔知點解,
我去香港既不安感覺消失左,
可能係因為覺得有敏敏係身邊。
我:好多謝你地,我都唔知講咩好...
姨:洗咩,我地都當你係半邊仔架啦!!!
敏欣:好彩唔係當哂姐....
我:唉也,你算咩意思?
敏欣:你覺得係咩意思係咩意思囉!!
我:哼!仲諗住聽日約你去一個地方tim,睇黎家陣唔洗啦!
敏欣:嗚,唔得我都要去!
其實敏欣幾時變得咁痴身既呢?
我都唔知...
我:好啦,好啦
敏欣:咁去邊?
我:去一個好特別既地方..
無錯,其實我想去一去阿媽既娘家
既然都要搵阿爸啦,
不妨搵埋公公同婆婆...
話咁快就到左聽日
敏欣:早知道係黎呢到就唔黎啦
我:係你自己跟埋黎咋ma,怪唔到我啵..
敏欣:你好野,我記住嫁
我:記住d咩?
敏欣:記住...你蝦過我囉
我:依d野都好記..你真係好無聊好無?
敏欣:你理得我呀,第時你就知!
我:好啦好啦,我地入左去先啦
敏欣:你講就入架啦,本小姐米好無面?
我:當我求你啦好無
我:你好有面..我好無面,得未?
敏欣:嘻嘻,咁就差唔多!!
終於黎到公公婆婆既住址..
當我同敏敏企係門前既時候,
我好猶疑,但又好想敲門..
敏欣:敲門啦!
我:見到佢地,我唔知講咩好...
敏欣:諗到咩米講咩囉!
我:我.....
敏欣:放心啦,有我係到!!
我:有你係到仲衰呀!!
敏欣舉起果拳頭...
敏欣:我比個機會你講多次
於是我無奈
我:有你就好....
敏欣:算你啦!!!
唔知點解,
經過敏欣咁激一激..
心情立即輕鬆哂...
我下定決心去敲門...
點知我想敲門既時候,
裡面一對老婆婆,老公公就開左門...
我意識到..
佢地就係我地公公同婆婆...
我:公公,婆婆...你地好!
我:我叫王梓希
公公:我地好似唔識你....
我:我係你地既外孫...
婆婆:原來阿女真係生左你出黎...仲已經咁大個
婆婆:咁你阿媽係邊?過得好唔好?
我:阿媽已經係10年之前過左身...
婆婆聽到之後好傷心..
咁公公就係側邊安慰...
我:...
敏敏見到咁既情況..
好似有d野表示
敏欣:喂,你唔記得介紹我呀!!
我明白敏敏係唔想搞到果氣氛咁差..
我:係係!!
我指住敏敏
我:呢個係你地既外孫媳婦....
敏欣一拳打落黎...
好鬼痛囉妖!
敏欣:唔好意思,我係佢既朋友先岩...
公公婆婆見到我地咁樣,
都笑左...
於是我地就跟埋公公婆婆入阿媽既屋企
婆婆叫我地坐係客廳。
於是我就問
我:係呢,阿媽平時會做d咩架?
婆婆:佢平最鍾意睇下電影同寫左野...
公公:你睇下,個果櫃d VCD全部都係你阿媽買架
我:咁樣知唔知..阿媽同阿爸點認識?
婆婆:我地都唔知...剩係知道你阿媽同一個人成日都有寫信
我:咁我可唔可以入去阿媽間房到睇下?
公公:好!
於是我跟著婆婆既指引..入到阿媽間房..
而敏欣就係客廳陪住公公
雖然18年黎,
呢間房都無人住...
但仍然好清潔...
而且好似一直有住咁...
婆婆話比我聽,
間房一直都無變過...
一入到去...
好奇怪...有一種少女既感覺,
我想一想,
阿媽離家出走時,
也不過是一個21歲的小女生,
有很多毛公仔,也有很多相簿...
翻開相簿,
看著以前的阿媽...
我哭了....
然而,我係呢本相簿到搵到一封信...
一封未完成既信...
"
致親愛的逸朗:
我明白你現在的心情，但一切都是我的錯，請不要責怪自己。前天的失約是我的不對，但我是有一個非去不可的約會。去了那個約會，我才了解到，你才是我最愛的人，我希望......
"
我阿爸果名原來叫逸朗,
我好想知道阿媽最後希望是什麼？
而且為什麼會留下這一封信.....
我明白到，
阿媽真係好愛我阿爸，
可以為左呢份愛
放棄自己既學業，親人......
點解阿爸會拋棄阿媽？
敏欣在房門看到我既嘆氣..
敏欣：喂，一個人係到現自閉呀？
我：邊有！
敏欣：係就好啦！
我：敏敏，我地仲有一個地方要去，陪埋我去，好無？
敏欣：好！你去到邊都我跟著你！
我：妳真係好.....
敏欣突然露出個尷尬既表情
敏欣：咁幾時去呀？
我：依加啦，同我公公婆婆拜別之後就去啦！
於是就同公公婆婆拜別，
雖然佢地唔捨得，
不過我話以後會多d黎，
咁佢地就安心啦
我揸住車,
敏欣係我身邊問
敏欣:我地去邊姐?
我:去見我阿媽!
敏欣:我地又未死,點見喎!
我:我地家陣米去死囉
敏欣:鬼同你死哂一齊呀
我:講笑哂,我地家陣去我阿媽果墓地到!
敏:原來係咁!!
其實今日我無諗過要黎搵阿媽,
不過經過今日之後,
我覺得要再見多一次阿媽。