尋人啟事: <3.母愛>

<3.母愛>
聽完阿姨講完阿媽既故事之後,
我徐徐的返到以前阿媽間房,姐係我家陣間房...
望住呢間房,
時光好似倒流咁,
返到阿媽仲在生既時候......
於是我就諗返起我細過既事
其實我都唔係好記得阿媽個樣,
畢竟已經7年前既事...
"




阿媽:做哂功課未呀?
我:未呀,遲d先做啦!
阿媽:點解要遲d先做,快d做哂佢,
阿媽:唔係今晚唔比飯你食架!
"
其實阿媽又點會唔捨得比飯我食呀,
而且次次晚飯都係我最鍾意食既野

"
阿媽:快d訓教啦...




我:等我玩埋呢場先啦!
阿媽:咁你記得早d訓,聽日9點先返學架
我:係既媽咪!
"
然而每次我都係唔記得醒,
次次都係阿媽叫醒我,
如果家陣阿媽仲可以叫下我,
你話幾好.....

"




我:對唔住呀,我唔想架!
阿媽:我知,有媽咪係到唔洗驚
"
我記得果次我打碎左學校課室個窗,
點解打碎?因為我同d同學係課室打波囉..
當時打碎左都唔知點算..
之後學校call左阿媽過來..
見到阿媽制服都沒換..就趕左過來...
(阿媽做sales..每個月有2500加幣左右)
係咁同d阿sir say sorry...
而因為咁...阿媽呢一日...開唔到工...
但係佢無怪責我...

"
我:媽咪,好辛苦呀!




阿媽:無事既,快d食藥
我:好苦呀!
阿媽:愈苦愈快好,媽咪等你好返帶你出去玩啦!
"
其實一個女人仔賺到幾多錢呀?
雖然呢到係加拿大,
無咩性別歧視,
但係呢到既開支咁大..
又要照顧我...
所謂既出去玩,不過是去一去屋企附近既公園而已...

"
阿媽:希仔,你唔好有事...
我:媽.....
阿媽:我叫緊救護車黎,好快到!!




"
果次,我真係差d出事.....
我細過貪玩...
唔覺意撞左落房門對角到..
之後流左好多血....

"
我:媽咪去左邊?
姨:你媽咪去左一個好遠既地方旅行,遲d先返
我:點解唔帶埋我去?
姨:果到好遠架,佢話會買份禮物返黎比你!
我:咁好啦!!
"
當時我仲未意識到,
阿媽已經過左身...




事後問返..
原來阿媽係死於肝癌...
當問返果陣..
我真係好傷心,
喊左成日......

阿媽當我係寶,
咁多年黎都唔鬧過我打過我..
我都未黎得切報答佢,
佢已經過左身...

此時此刻,
我喊左出黎...
入到間房,
我拎起張被,




冒大頭的喊了...
因為唔想比阿姨阿叔聽到,
同被敏欣笑...

唔知大家有冇試過..
喊到訓著...
果晚我就係咁...
醒返既時間..枕頭已經濕哂

當我打算換衣服上學的時候...
打開衣櫃..
我發現我衣櫃既裡面,
有一箱野,
雖然我唔知咩黎,
但我感覺到呢箱野係同我阿媽有關...
...
於是我拎左呢箱野出黎..
打開...
首先我見到既係一隻
有個牌刻住
"  ／＼／＼
 逸＼    ／洛 
     ＼／
"
既熊仔...
熊仔下面係9封信..
日期係由我阿媽咪返黎果年計起...
一年一封...
直到我7歲果年...
而第9封有D特別...
係一封只有日期..無內容既信...
而且地址已經寫上,郵票已經貼上,
但點解一封都無寄出去呢?

再之後係..
2本黑色既日記..
呢個日記既開始...
就係我出生果日
直到阿媽過身之前果日
....
我已經唔想再摷落去,
因為好似...
阿媽既記憶一一湧現係我腦海...
...
不過我都仍然摷落去..
最後..
我拎到一本..
最特別既日記,
同之前果2本唔同..
呢本係粉紅色既...
日期係由
10年前開始,
直到阿媽返黎加拿大為止...
...
我睇著呢d阿媽既遺物,
我想哭,
我想問上天,
"點解要咁對我阿媽?
點解佢唔可以幸幸福福咁生活?
點解....?"
一句句點解出現係我腦海中...
於是,
我決定了,
我要去香港,
搵我老豆問清楚!

突然房門被敲響了,
敏欣:要返學啦!
我:我黎啦!
我:你有冇朋友返緊part-time?
敏欣:你問黎做咩?
我:無,我想草下錢姐!
敏欣:咁我幫你問下啦!
我:唔該哂!!

於是,
我既草錢生活就開始左...