尋人啟事: <5.香港(下)>

<5.香港(下)>

這裡的一個個墓碑,

每一個都有他們的故事,

或許墓地對於人們來說是個恐怖,陰森的地方,

但其實更是一個埋藏著不同故事的地方。





我同敏敏終於黎到阿媽既墓碑前,

我:媽咪，我打算去一去香港
我:搵下阿爸,睇下佢過成點
我:仲要問清楚佢點解要拋棄我地母子
我:媽咪,我唔知咁做岩唔岩
我:我唔知咁做你會唔會開心
我:但係依果係我心中既迷,
我:我想去解...
我:如果可以既話,我會帶埋阿爸返黎




我:再同你見一見面!
敏欣:伯母,我係敏欣呀!我會同你照顧好梓希架啦!
我:邊個要你照顧,我照顧你就真!!!
敏欣:得啦,大家照顧大家好無?
我:唔好囉!我照顧你就得!!!!
敏欣:你依d係米要表白........
敏欣塊面紅左...
我:唔知呢?不過今日真係多謝你!
我:媽咪,我地走先啦,第時再黎探你啦!





於是我地2個人,一言不發的回到車上,
我有我揸車返阿姨阿叔屋企,敏敏就自己望下窗外面既景色...
但係係呢刻,我覺得好溫暖,
唔知敏敏係點呢?

話咁快,
就到左下個禮拜,
我地終於要去香港啦!

香港呢個名字唔陌生,
因為阿姨同阿叔都係香港既移民,
話咩驚香港比左中國之後會好亂,
90年代初,
佢地就移民左去加拿大。





終於有宣佈要我地上機。

我:我地要上機啦
敏欣:係既!希大人
我:咩料,我個名又轉左既..

自從上次係我阿媽墓碑之既間接表白之後..
敏敏不斷改我果個花名...
由原本既
希仔>希希>眼淺希>易喊希>傻希希>白痴希......

敏欣:咩喎,唔叫得呀!!
我:得得得,你想點叫都點,你想叫,叫一世都得
敏欣:鬼同你一世呀!
我:唔一世,米兩世囉,三世又點話,無限世都得...




敏欣又用佢既拳頭打左我一下
敏欣:做唔到你就死!!!
我:我地再係咁講落去就上唔到機架啦!!!
敏欣:最衰都係你啦!!
我:上機先上機先,上到機慢慢被你鬧...

我地已經成為情侶?係既係既...
點解愛得咁平淡?你估我想架...不過平淡是福,對吧?

呢次唔係我第一次搭飛機,
但平時搭既都係內陸機..
但係今次一搭就10幾個鐘...
你都米話唔悶...
好彩我身邊有我最愛既人--敏敏,
只要一日佢係身邊,




我同佢就好似有無盡既話題要講...

我:唔知香港係點既呢?
敏:米一個好普通既城市囉
我:哇,西利
敏:我梗係西利啦,你唔係而家先知呱?
我:西利到講左好似無講咁
敏:咩喎!真係咁架ma
我:鬼唔知咩...
敏:BB仔米唔知囉!!
我:我又唔係BB仔
敏:吓,我真係而家先知你唔係BB他咋啵!
我:...
敏:我又贏一次啦,哈哈
我:贏左又點?




敏:去到香港之後,晚餐我決定,不過你比錢!!
我:你唔贏都你決定,我比錢架啦!
敏:咁...我買果d野,你比錢囉
我:喂喂...家陣係黎旅行架?
敏:原來唔係咩?
我:o靚妹,你家陣玩野呀?
敏:恕罪呀,希希大人...
我:算你啦,敏敏妹妹...

我:敏敏,唔知我會唔會遇到我阿爸呢?
敏:信我啦,一定會遇到既!
我:點解你可以咁肯定?
敏:因為有我係到!
我:你又係到自誇啦!
敏:邊有?
我:不過有你真好!!
敏敏又好尷尬既dup低頭
敏:成日失驚無神表白...真係令人好尷尬架!
我:你唔鍾意咩?唔鍾意米唔講囉
敏:唔係...
於是我突然之間大叫
我:敏敏,我愛你!!!
成個機艙既人都聽到,
個個都望住我地笑...
敏:得啦得啦...
我:咁有咩表示?
敏:咁....
敏敏一聲也不出的輕吻我的嘴唇...
我:算你啦!!

我地就係不斷既甜言蜜言中渡過呢10幾個鐘...

終於黎到呢個阿爸阿媽,
相戀,相愛,分手既地方,
由於去到香港機場,時間都幾夜啦,
所以今日我地去左我地之前租左既酒店check in先

而我地都太累了,
一上我地間房,
沖埋涼就訓教啦

(唔好心邪,我地2個都未成年架....
而且自問無咁快有能力照顧到佢)