鬼殲: 打真身

我本人嘅真身一直都系已落閘嘅洗車屋入面。
 
稻草人替身記錄左嘅我幾年前嘅能力，可想言之如果我今日冇進步過，根本會比自己嘅師妹打敗。
 
一股妖氣夾雜住殺氣迫近。洗車房內燈光微微轉弱，掛牆嘅水管傳出水流聲，感覺到越流越多，有暗紅色血液由水管流出，幾滴血一剎那增至極多嘅血水爆破水管湧出，比一般爆水喉更加嚴重。
 
我用手印指向湧向我嘅血浪，手印嘅法術就好似彈弓感，控制住一團術式生成嘅火焰球急速撞向血浪。
 
砰！
 




比大火焰撞擊嘅血浪飛彈向後，變返一個人形，訓響地上面。我注意眼前燒焦嘅身體，有d唔妥。成灰嘅草帽，東方服飾殘骸，佢只系一隻殭屍。
 
「你以為得你識用替身咩？」
 
女仔聲由我後面嘅天花板位置傳出，我立即轉身指向天花板，戴系手腕嘅念珠啟動術式，模仿槍械同指彈嘅原理，一束光由手指快速射向倒企系天花板上嘅洛天流。隻半妖倒後兩步避開射擊，但佢依然屹立天花板上。
 
我拎轉身望住佢，想用穿珠鏈嘅右手手指瞄準，佢已經變成一堆血水滴落地上。
 
聽到吓吓嘅陰森聲音，場地氣氛比佢掌控住。周圍水管出現爆破，大量血水型成人形，然後一隻又一隻殭屍出現系我四方。留意到有幾隻冇手，佢地左右兩旁出現浮空指向我嘅血尖柱。我左閃右避，一面用珠念嘅光射擊，射中果幾隻即刻由射中部位起火，然後好似加左助燃物感快速燒焦。
 




其餘嘅屍繼續用血尖柱攻擊我，有時避唔切就用戴系食指嘅護法戒指擋住。每次有血柱飛向我，我只要遞出手就會啟動戒指嘅術式。一道圓形有立體感光源出現系食指前面，形成格擋邪物嘅護盾。
 
我將洗車屋內最後一隻都射死之後，洛天流系我前面用裝有噴霧嘅噴霧劑噴向我，我自然用護盾擋住。當個盾嘅光源接觸到噴霧後，出現類似冷凍嘅破裂。
 
我一束光線打向佢個頭，佢敏捷感轉身避過，光線只系燒斷佢一小撮髮尾。佢避開之後不停用噴霧噴向我個盾，盾嘅光源加劇硬化同龜裂。佢好快將支噴霧劑放返入手袋。
 
我後悔修煉果陣過度依賴盾牌。佢一個手袋狠狠揮向我，我反射性感用盾格擋。最後，啪啪嘅玻璃聲形成，破裂累累嘅光體護盾比佢手上特製嘅手袋仔打爛左。
 
破盾之際我縮後一步發射光能，手中嘅光線射中佢個手袋仔連袋嘅繩。佢成個袋跌落地下燒著，我心情暢快左少少。
 




下一秒，洛天流嘅目光由地下個袋仔轉移到我身上，感受到類似我「今日一定要殺死你」嘅氣息。當我每次將焦點放系佢誘導嘅方向時，就會有另一d嘢攻擊我。唔知邊度出現左一隻混色貓，佢身手敏捷感爬系我背脊，跳向手臂，一口咬住珠鏈唔放，直到咬斷為止，珠鏈一粒一粒感同貓咪一齊跌曬落地，我先知咩事。
 
「你癲左呀？連曲奇都帶埋落陰間！」
 
我對住正響度咬緊自己隻母指嘅洛天流講。曲奇系隻貓嘅名，佢原本系洛天流學法術果陣收養。既然佢識得轉移術，即系佢已經跟住主人一齊同妖立約。
 
「系佢搵到我架！當我比赤瞳妖呃走曬d血之後，你又去左邊呀？」
 
質問完後，佢隻手指指向我，母指已經有咬損嘅痕。母指傷痕出血，我就知道大件事。佢食指向我彈走母指上嘅血，就好似我用光束射佢感。我反射性地避開佢，果然，佢嘅血好似子彈感彈中洗車屋內工具箱，工具箱成個裂開。
 
「癡L線架！」
 
砰！
 
我系無左護盾嘅情況下迴避佢第二發攻擊。




 
砰！
 
砰！
 
其中一滴血彈彈中我嘅髮尾，差d就要升上仙界做人口登記。呢個女人真系好記仇。好彩佢流血都要d時間，但正如佢講，果d已經唔系佢嘅血。
 
我完全埋唔到佢身，旁邊仲要有隻拖拉住我。
 
「行開呀曲奇！唔好阻住我……」
 
砰！
 
個頭再縮一縮，後面部飲水機比佢射爆左。佢到底有幾想打爆我個頭。
 




「行開啊！」
 
我腳下隻混色貓咬住我唔放，個頭好堅定感扯住我，好似童話裡面女主角有小動物幫手感。
 
「咕……喵！」
 
最後我為左保命選擇做一件現代社會極之憎恨嘅事。
 
我將果隻已經成為妖侍從嘅貓咪舉起，擋住避唔到洛天流嘅新一發血彈。然後……我已經唔想再……我成個上半身都系曲奇模糊嘅血肉。前面隻半妖殺氣更重，我成功將一隻半妖由平淡轉化成瘋狂狀態。
 
「你癡L線架？曲奇你都殺！」
 
我聽到佢問我之後，我心諗系兩個要殺我，依加你又問我點解要殺佢。
 
「你以為系邊個帶佢出呢架？」




 
洛天流瞪大眼睛，鼻孔擴張，咬牙切齒，掙擰嘅表情好似惡魔。跟住以為佢流眼淚，點知佢系眼耳口鼻都流血。微微震動頭部，舉高，好似d人吸左毒感。最後，佢溶解成血散開，流向洗車屋四面牆壁。