鬼殲: 天秤貼紙

知道隻大妖怪就嚟，就好似知道條女唔高興要向你發洩感樣。我比較想服侍自己條女多啲。死到臨頭，已經唔再嬲自己比隻蟲戴綠帽，我淨系希望佢同班透明蟲玩完之後可以平平安安返嚟。
 
我將辦公室門鎖好，望向一樓嘅窗外面，天色昏暗，好多打工仔已經收工。我反而唔想佢地咁快走，就算佢地見唔到，都想佢地陪我留系呢個空間。
 
突然一道紅光出現，好快窗外成個區域都比紅光覆蓋。我望下出面嘅人，佢哋照常行路。我就知道陣係我地見到。以前老豆都有講過結界嘅事，成世仔都係第一次見。今晚天色景象俾日落黃昏更加紅，紅到有啲恐怖。
 
感覺到一股妖氣接近，越嚟越濃，誇張d講，搞到我就嚟窒息。我望下窗外面個有條肥仔，佢食串魚蛋都要舔到津津有味。我仆你個街，好想用棍打爆個頭，呢度陣味咁濃，你都可以食得咁開心。
 
突然一樓門外傳出震動既聲音，瞬間，氣氛變得緊張。
 




咚！咚！咚！
 
有隻殭屍上緊嚟，我將手上支棍揸得更加緊，不停檢查上面嘅符系咪癡得實，好似你明明帶左筆去考試，都要照樣check多次咁。我發覺點解上面冇符咒嘅？我望下下邊果束符草掃尾，原嚟我一直囉住果支係掃把嚟嘅，系阿川比我果支。我太緊張啦。
 
咚咚嘅聲音越嚟越近，我心臟跳得更加紊亂。以前一系就有老豆陪，一睇就有條女陪住。依加要我自己面對，我先知道原嚟慣咗要人陪。
 
好快系辦公室半透嘅門外已經見到隻殭屍，我眼定定感望住佢，一頂已經見過嘅草帽，著住古代服飾，但係服飾嘅心口位置由貼左d星座閃閃貼紙，阿Ka講過，果個叫天秤座。我再望下佢長褲嘅大腿位置，寫住洛天流三個女仔字。我Diu，你系咪憨9架？好似驚死d人唔知隻屍系佢感。
 
果晚我睇唔清楚覺得好恐怖，但望到佢日常嘅娛樂之後，我覺得原嚟隻妖怪都係憨9嘅。知道啲屍係由一個憨9派嚟嘅時候，我不如驚下自己條女好過。佢話d女一定知自己咩星座，除非佢唔知自己幾時出生。只要按佢認為自己系點去同佢地相處，就會知道點先有位入佢……
 




眼前有堆血越過辦公室門，喺隻殭屍溶左做血之後想流入嚟。我好平淡咁望住佢，佢入到門內，個頭慢慢上升，成型。我一見到佢道符咒就直接攞支掃把將張嘢掃落地。果張黃色符咒落地之後，隻殭屍就好似機器停左咁，佢係由血液形成身體嘅階段中途，成個癱瘓左，個頭訓系地下，果堆血就停止流動。
 
點解條女咁辛苦學完野之後，佢啲手工都係比普通人秒殺？
 
我自己問自己，然後覺得佢好可悲。
 
樓下仲係笨笨聲咁打緊交，好似聽到佢隻貓死左咁，啲對話好似男女朋友嗌交感。
 
我轉頭落去好似阻住佢地，諗諗下都系攞左支掃把落去。
 




望一望地板上條屍，佢夠鐘化成灰塵消散。