鬼殲: 鬼同你鬥

開戰之前我一定要補充體力，出左洗車屋嘅街道，系人群之中往一間舊鋪前進，果間老店嘅煎釀三寶應該未賣曬。經過一個又一個唔識嘅人，就快到達目的地，忽然旁邊有隻纖細嘅女仔手繞住我手臂。
 
「你又食呢d嘢。」
 
一把熟悉嘅女仔聲傳入我嘅耳朵，震撼我嘅心。微微捲嘅長髮出現系我眼前，比我矮細嘅肢體阻擋向前嘅我。
 
我想俯視呢個唔可以忽視嘅存在，佢好自然感拖帶我去另一個方向行，好似d男人比女朋友食住感，亦好似佢隨時可以殺到我感。
 
「唔食飽邊有力啊？」
 




我一定要冷靜d！
 
「感又系啊！你無力氣…」
 
佢把聲淡定平搵感應我。
 
「…下場點算啊。」
 
講到「下場」兩個字，佢望向我，以前黑色嘅瞳孔已經染上修成成妖嘅血紅色。佢到底離開之後殺左幾多人？
 




我想鬆開佢隻手，佢捉得更緊，抬起頭望向我。
 
「夠膽鬆手，我就殺曬成條街嘅人！」
 
「你以為你想點就可以點咩？我地球一有嘢發生，其他區……」
 
我即刻止住漏口嘅報情。
 
「所以真系有其他道士。」
 




佢食住個勢，一手拉左我入無人嘅後巷，一手指向天，成個區域比一道紅光蓋住，佢展開嘅結界只有陽陰眼見到，結界令到我地嘅決鬥影響唔到人間嘅事。
 
佢之所以咁有手尾系為左方便殺更多道士，等低道行嘅妖魔鬼怪可以出呢搞事。
 
我已經忍夠佢，一手用力推開佢之際，感覺到隻手比嘢腐蝕緊。我用另一隻手按住受傷嘅手，忍住痛。
 
好快有一把長劍衝向我！
 
我按住傷勢避開劍刺，一隻戴住草帽嘅殭屍用劍攻擊我，佢比我認知嘅屍更加靈活。本身按緊傷口嘅手攞出一道符，伸向殭屍嘅方向。佢劍一揮向符咒，符咒就變成鎖鏈，施過法術嘅鎖鏈自動束縛住佢，令佢跌低左。
 
有另一隻屍同樣用劍衝前，我用自己染上血嘅另一手手掌，手掌對殭屍方向做一個手印，佢頭上道符就跌落地下，殭屍陣亡。
 
本身縛好嘅殭屍成個溶左做一堆血，我想趁佢未浮起之前消滅佢。我做緊幾道手印，預備生成火焰。再有兩隻攞住劍嘅殭屍撞過嚟，佢地嘅攻擊打斷左我嘅動作。
 
我不斷向後退，再攞出一道符紙想施法，突然間，張符紙上面染上一滴滴血，好似墨水唔小心滴落白紙感，血跡越嚟越多，我即刻掉佢落地。




 
「下下都用同一招，你悶唔悶d呀？」
 
殭屍背後嘅半妖施展法術，然後同我感講。
 
「你想試新嘢呀？我做比你睇！」
 
我單手指向後巷渠水道，有銀色嘅水柱大力射出，掩沒曬前方兩隻殭屍同後方果堆血。
 
條友以為只要帶我去後巷就可以殺我，佢唔記得左呢度系我嘅地球，我比佢更加熟呢條街。除左我嘅朋友之外，任何城內嘅妖怪都唔敢踏入呢區嘅範圍。
 
銀色水面系行內嘅水銀，叫做易水銀。可以毒殺一切妖怪。我系水面步行，見前面嘅麻煩女怪一早已經令部份水銀固體化，造成一束比佢避開銀色水浪嘅柱。佢用女仔自拍嘅姿勢坐系銀柱上面俯視我。
 
「你點解唔用堆銀造件首飾比我呀？或者我會原諒你呢？」
 




「你落呢先再慢慢講啦！」
 
我講嘅時候做出手印動作，佢坐緊果條柱出現斷裂，佢往下跌左落去。以為水浪會繼續淹沒佢，點知佢個頭伸左出呢，臉容冇沾上一滴易水銀，然後d水浪慢慢靜止，成個後巷範圍出現潮退。
 
隨著水位下降，本身企系水面我都跟住下降，當半妖嘅上身出現時，先睇到佢雙手做嘅手印。

佢再轉做另一種手印，手印前面出現強風，強風直吹向我嘅身軀，我頂唔順咁大風，往後跌低，跌落易水銀嘅水灘。
 
聽到一隻殭屍撞過嚟，我起身見到佢果陣佢已經斬斷我另一隻手。我見住自己隻手系我眼前飛彈落地，痛到跌返系地下掙扎。
 
啊！啊！
 
極大嘅撕裂傷勢令我好似比火燒咁痛，我想企起身，但單手嘅我冇左平衡點，屢次倒地。
 
半妖已經行到我面前，一手扣握我條頸。




 
「你終於都有今日。」
 
佢帶晶瑩血紅嘅眼再次瞪住我。
 
「你殺左我恩師。」
 
我把口不斷掙扎，終於吐出一句句子，但已經呼吸唔到。
 
「依加你咪可以見佢囉！」
 
佢本身緊握嘅手慢慢收緊，我幾咁想用手推開佢或者握住佢隻手，但已經冇力。我對腳不斷掙扎，想踢向佢個頭，旁邊嘅殭屍用劍斬斷埋我其餘手腳。
 
我就感系休克之中昏迷。
 




 
 
 
我意思系我嘅稻草替身系休克中昏迷。
 
替身變返做稻草人樣貌，成為只系斷左由草組成四肢嘅稻草身體。
 
「比你試下殺我嘅感覺系唔系好爽呀？洛天流。」
 
半妖聽到我系附近講嘢，平淡感望住堆草。
 
「斷四肢，慢慢窒息，呢d基本啦！我系想要將你續塊續塊撕開呀！郭順符！」