鬼殲: 半妖

「我依家教你一樣野，你一定要同我聽實。」
 
阿川帶左我返洗車屋，佢話俾老細聽今晚唔吉利，唔可以做生意，因為佢講野有力，老細就聽佢講。
 
成間鋪刪咗，俾佢開壇作法，然後話俾我聽果隻大野到底系咩。
 
「我好簡單感講，入得道士呢行，基本嘅都識用法器，符咒系其中一種容易使用嘅。想高階d而有門路嘅會去修行手印，法陣，各類術式，其中一種叫做血界術。」
 
「一般宗派教授血界術果陣，一定有規矩要守。其中一條就系唔可以操控死者嘅血。只要有人犯呢條大規，我地就要廢佢嘅氣元…或者叫做廢佢武功。」
 




「咁嚴重？」
 
「塵歸塵，土歸土系呢行對世道嘅尊重，你唔尊重世道，世道都唔會尊重你。」
 
「人嘅屍體本身唔會走動，除非吸左妖氣，魔力，或者好似今次感由人用符咒操控。」
 
「咁我地都系同緊另一個人打姐。」
 
「本身都系架，但走歪嘅道士都唔能夠令血液變成針刺嘅。」
 




「感到底人要點先做到啊？」
 
阿川背住我，對住一串裝系經卷上面嘅念珠做出唔同嘅手印。
 
「人做唔到，咪唔好做人囉。」
 
聽完佢講我更加心寒，佢解釋，佢果位舊相識已經癲到同妖怪達成契約。果個人將遇害者嘅血送比妖，妖就提供勁d嘅武器同能力比佢，甚至教佢點用邪術，成為妖怪。
 
「點解你一聽就知佢叫咩名？」
 




「我對陰陽眼系由你老豆後天開嘅，跟佢學完嘢之後，某一座城嘅道士提拔左我。我系果邊學嘢同教人，其中有個比我教嘅走歪左。」
 
果個半人半妖依加叫做洛天流。
 
「點解佢會感？」
 
「佢好想知道生死嘅根源，就由血開始入手研究，之後比妖怪呃左，返唔到轉頭。」
 
佢講得好簡潔，點到即止。
 
儀式嘅手印完成，佢企返起身。系一個戒指盒入面攞左隻戒指，睇住佢戴系食指，雖然我唔知有咩用。
 
「有冇拍拖？」
 
「散左。依加輪到我講嘢。」




 
話語權比佢搶走。
 
「我唔奢求你可以幫我對付隻半妖，但系你至少同我保住條命。」
 
佢一步一步行近我，一手伸向牆邊掃把，掃把自己飛向佢隻手，佢接住，遞比我。
 
「呢把系天尾掃，殺殭屍其中一個方法系撕走頭上張符咒，但一般嘢撕唔開。佢個掃系由符粉種嘅草束縛成，可以掃開符紙。」
 
我一隻接住，手感似之前支木棍。
 
「記住，你要系佢d血浮起之前撕走佢。唔系就系佢溶左你。」
 
跟住佢又打電話問佢d行家點樣用火術。聽講同妖達成契約系需要一件物件作為媒介，半妖系一定要有媒介旁身先用到法術。阿川話唔想搵媒介咁煩，想一把火燒曬佢。
 




我見車房內滿曬佢預備嘅結界，好似d人臨考試前猛溫書感樣。佢見我都幫唔到d咩，直接趕左我上樓上辦公室，話比我聽對門點鎖點開，上面都系佢地公司嘅鋪。