鬼殲: 黃雀在後

「你老豆死嘅時候你喺邊度？」
 
「你個陣知唔知你老豆左死呀？」
 
「你知唔知蘇卡然失左蹤呀？」
 
「請問你係幾時知道佢失左蹤架？」
 
「d村民話你見到鬼喎，系唔系真架！」
 




班差佬一條又一條嘅問題令到我好唔耐煩，但我又要扮返普通人感咩都唔知。
 
明明班鬼怪知道我地有陰陽眼，針住我地攻擊，我地先系受害者，依加居然變左疑犯。最後佢地咩都問唔到，都冇證據證明老豆系山路斷氣系我造成。我反問佢地我女朋友蘇卡然阿Ka系邊，同地又唔知，最後將我放走。
 
一踏出警署，見到肥川。佢話我食早餐果陣已經加左料，可以追蹤到我，我覺得佢某程度仲恐怖過d大蟲蟲。
 
「你老豆嘅死系蟲妖造成嘅。至於你條女，我已經叫左你老豆去搵啦。」
 
佢帶左我去粉麵鋪食嘢，然後繼續講正經事。
 




「你見過我老豆？」
 
「佢搵到你條女之後應該差唔多時間上去啦。依加到我有嘢問你。」
 
我嘅目光由檯面碗牛肚粗加蔥轉移到佢對銳利嘅眼，到底仲有咩系佢想知道。
 
「你老豆魄體散落地嘅時候，魂體仲未完全可以離開身體。以你嘅功夫一定頂唔住咁多隻大草猛。你系點樣走得甩架？」
 
佢又食左一塊肥牛同埋幾箸米粉，吞左，然後再開口。
 




「仲有！我由入村果刻就望曬d屍骸，我發現你出村嘅位置有堆蟲系比第d嘢腐蝕。你到底仲有d咩未講比我聽？」
 
我諗左一陣，腦海浮現一頂草帽，一對殭硬嘅手，一堆血……原來仲未講殭屍最恐怖果部份。
 
我就講埋比佢聽，佢好認真感聽曬全部，慢慢放低筷子。
 
過左一陣。
 
「DLLM！」
 
佢隻手用力大拍張檯，講粗口diu我。我碗嘢震到差d跌落地下。其他人都望過嚟，好似有條古惑仔向我收數感。
 
「阿Jimmy仔，你知唔知你依加累到我系咩處境呀？」
 
佢又望望鋪內周圍嘅人，佢地唔再望向我地，然後繼續講嘢。




 
「大草猛之所以去左你度，系因為有另一隻大嘢趕左佢地呢。大草猛發現你睇到佢地就一定攻擊你，然後背後嘅大嘢就會知道你地真系識用法術。你老豆為左保你一定會叫你去我度，感另一隻大嘢就可以搵到我匿埋系邊。」
 
「點解你講果隻大嘢要搵你？」
 
「因為隻大嘢同我有仇。我識佢。」
 
「隻殭屍？」
 
「系派殭屍呢嘅果個人呀！」
 
我將一條牛肚放入口。
 
「仲響度食！殭屍平常系夜間行動，我幫你搵人已經用左大半日時間，你知唔知我地只有一兩個鐘時間喳？」
 




「關我咩事？」
 
「你問我關你咩事？佢專殺道士，你有陰陽眼，第時就有機會做道士，你覺得佢殺完我之後會唔會殺你？」
 
聽完佢講之後，啱啱先安頓好嘅我再次陷入緊張狀態。