是咁的，我同女神做咗鄰居: 224.

時間一跳來到了晚上，待全屋所有人都睡了後(即係老母)，

我便關掉電腦，拿起電話上床。

 喔...我好像一直都沒有提過究竟那套電影是有多恐怖，

反正就是會令到我跟啊童不敢關燈獨自睡覺。

 有人會問，你驚乜柒啫，

都明知唔會有嘢發生㗎啦。 

我會同你講，即使你明知唔會，

但係你見過主角嘅遭遇之後你點都會驚，

而且我係個好細膽嘅人。 

所以我便打了電話給啊童。 





「喂。」

 「你咁遲先打嚟㗎？」電話的另一頭傳來啊童的抱怨聲。 

「Sorry囉，咁我要等老母瞓咗先打俾你㗎嘛，一陣佢又屌我掛住傾電話唔瞓覺。」我壓低聲音說，不然待會吵醒老媽麻煩就大了。

 「你有無熄到燈呀？」她問。 

「無呀，驚呀！」我笑說。





 「我地嚟玩樣嘢吖，一齊熄燈！反正有你陪住應該唔驚嘅。」 

「嘩大佬，你唔驚啫，唔代表我唔驚㗎嘛，唔好啦。」

 「嘖，唔驚啦，就係咁先刺激吖嘛，快啲啦。」啊童催促我。

 「唉怕咗你，熄喇熄喇。」我為了要捍衛男性的那一樽海鹽，決定要下床去把燈關掉。

 我鼓起勇氣，把那個燈按向另一邊，

然後立即跳回床上，生怕有任何妖魔鬼怪趁黑暗降臨之時來襲。

 「呼。」終於回到床上被窩中的我鬆了一口氣。

 「熄咗喇。」重新拿起電話的我對啊童說。





 「我都熄咗喇，咁樣先夠恐怖㗎嘛。」

 「大佬我原本打俾你係諗住令自己無咁驚㗎嘛，點知打完俾你之後好似搞到自己仲驚咗咁。」 

「唔驚啦，吹下水就唔驚㗎啦，講驚我咪仲驚，熄咗燈真係乜都睇唔到，你起碼會睇到啲嘢吖。」 

「點同呢？套嘢係你想睇㗎喎，我被迫陪你睇㗎咋喎。」

 「緊係唔係啦，邊個話我唔驚㗎！」 

「驚你又睇？」

 「驚就唔睇呀？」 





「點解要辛苦自己？」

 「因為夠緊張同刺激囉！」

 「屌。」說不過她的我主動投降。

 之後我們談天說地，總之就是要消耗一下這漫漫長夜的時間。 

「呵，好攰呀，你繼續講啦，我聽你講。」啊童打了個呵欠。

 糟了，這是啊童睡著的前奏，我可不想獨力面對剩下的四小時。 

「喂...啊童呀？」

 「唔？」微乎其微的聲音... 





「我好驚呀，點算好呀，你唔好扔低我一個呀。」我以哭腔說。

 「...」太遲了。

 有時我都很想親口問一問啊童究竟她的身體是甚麼構造，可以秒速睡著。

 我默默地掛掉電話，看一看通話時間，

原來已經說了兩個多小時。 

老實說，我還能繼續堅持下去，

奈何，啊童不敵睡魔。 





我合上雙眼，嘗試進入夢鄉。 

但...我一閉上眼睛，電影中的種種情節就在我腦中一幕幕重演，根本就睡不著。






跪求大家Follow我既IG: MaanYin05