是咁的，我同女神做咗鄰居: 225.

到了第二天，啊童沒有再一大清早就吵醒我，相信她還在熟睡當中。 

而我，則在晨曦之後才終於睡著。

 「叮」直到了中午，我的門鐘才響起。

 一打開門，就看見啊童龍精虎猛的站在外面，

可憐我現在還是處於一個昏昏欲睡的狀態。 





「食咩！」啊童興奮地說。 

「吓...唔知呀，你諗啦，好攰呀我。」替她開完門後，我便走到沙發上躺下。

 「你琴晚無瞓咩？」真不知她是真傻仰還假傻。 

「無呀！係今朝先瞓到咋！」

 「唔好瞓住先啦！食咗晏晝先啦！」她把我拉起身。





 「唉好啦好啦。」

 基本上之後的每天都是這樣度過，晨跑食早餐睇套戲食晏晝打機玩下Board Game。

 平平凡凡咁過，都唔差吖。 

「我買咗機票喇，應該九月二號就會走㗎喇。」

踏入八月，有一天我們在吃著午飯時，啊童突然說。





 雖說這也不算甚麼好消息，但至少我跟啊童還有一個多月的相處時間。 

「即係我地都仲有大約一個月時間...不如我地搵啲嘢做吖，日日都係咁過好悶啫。」我提議。 

「呢層，就交俾你諗下喇。」啊童輕輕一推，把想活動這個責任推給我。

 「呼~食完！」啊童說。 

「都唔明點解你可以食得咁快㗎...」我看著面前的半碗飯。

 「快啲食完佢啦，跟住我地去食雪糕！」

 「食雪糕？去邊度食呀？」對於一向都吃心太軟的啊童來說，會轉吃雪糕實在是令我感到奇怪。 

「嘖，仲洗問嘅，上次同你去邊度食咪邊度食囉。」啊童反了反白眼。





 「幾時呀？」點解你就唔可以簡簡單單咁講個答案出嚟啫。 

「上年暑假呀。」 

「哦，個次呀。」我努力地在腦海中回想著當天的片段。

 「嘻，個次見你怕怕醜醜又幫啊媽買水果，以為你好乖啦，點知原來你係咁變態，又唔溫書又曳又懶又...」 

「得，唔洗再講落去！」我及時叫住了啊童。 

「總之就快啲食完碗飯然後陪我去買雪糕。」 

「得喇得喇。」

話雖如此，但我仍然慢條斯理的吃，反正要急的又不是我。 

「我仲記得個日同你出街嘅時候你已經成日被我打，咁就打咗你一年luuu。」啊童繼續回想當天的事。 

「吖你仲好講，個次問你讀邊間中學你走去扮晒嘢唔答我。」 

「唓，答咗你開學個日你咪無驚喜囉。」 

「嘩你都打橫嚟講嘅...」

 「係咪又想被我打呀？」 

「唔係唔係，食雪糕食雪糕。」不想再受皮肉之苦的我速速吃完剩下的飯。 

「哼，今次就放過你。」她狠狠地瞪了我一下。 





「行啦，去食雪糕喇。」我拖著她的手，廢了她一半戰鬥力。




跪求大家Follow我既IG: MaanYin05