是咁的，我同女神做咗鄰居: 223.

「呼~飽晒。」啊童在掃光桌上的食物後說。

 「緊係飽啦，又食麵又食咁多餸。」我起身執拾枱面。 

「我地而家有咩做呀。」在我洗完碗後啊童問。

 「有咩做呀...打機？過去你到玩Board Game？」 

「好攰呀...唔想用腦...一係你有無Netflix呀？」





 「好建議喎！」點解我之前一直都無諗過可以咁做㗎呢？ 

「咁快啲過去揀戲睇啦。」啊童興奮地說。 

然後，我們就坐在電視前，

用了大約半個多小時選擇電影。 

花了如此多時間選擇的原因是因為我們各執己見互不相讓。





 啊童想看恐怖片，而我，則想看愛情片。

 「我要睇鬼片呀！」她把搖控搶了過來。 

「唔得呀，我今晚會瞓唔著㗎！睇格雷的五十道陰影咪算囉。」我嘗試奪回主權，但啊童卻把搖控拿起不讓我碰到。

 「你食屎啦，一陣睇完之後點知你會對我做咩㗎！」她大力把我推開。 

「你咁大力...我想做都做唔到啲咩啦。」倒在沙發上的我說。 





「Yeah！睇鬼片！熄燈落窗簾唔該！」她指示著我。

 「唔好啦...好恐怖㗎...」看鬼片還要我熄燈落窗簾！？

 「妖唔好咁細膽啦，我都唔驚你驚咩啫。」啊童反了反白眼，然後親自起身去做我不敢做的事。 

「Oh Shit...」這晚鐵定睡不著覺了。

 雖說關了窗簾，但由於是大白天，所以自然光仍然能從窗邊滲進來。 

稍為緩和了一下這個恐怖的氣氛。

 隨著啊童按下了開始鍵，

我的惡夢開始了...

我原本是這樣認為的... 但當我看了一眼在我身旁的啊童，

那可愛的臉蛋上夾雜著害怕驚恐之色，看來這不止是我的惡夢... 

「呀！！！」電影開始了沒多久，純粹是主角床上的被動了一動，

就把啊童嚇個半死，我倒是氣定神閒的看著。 

「手...攞隻手嚟！」啊童不停拍打著我，示意我借隻手給她。 

「咁小姐講返啦，租借手臂嘅話呢就係每分鐘十蚊嘅，如果ok嘅話就鍚返一啖當應承。」我以Sales的語氣對啊童說。

 「妖！攞嚟啦！」我的手臂比她強行搶走了，

嘻...好彩隻手仲未甩，仍然連著我個身體，比佢咁樣扯一扯幾驚會斷呀。

 知唔知點解佢要我隻手臂？

 因為每當佢見到一啲驚或者恐怖嘅畫面時，佢就會用盡自己全身嘅力去鏈住我隻手。

 我都唔知點解要咁做，我剩係覺得好痛啫。

 有時我都好懷疑我地會唔會俾鄰居投訴，

我同啊童短短兩個鐘入面大聲尖叫咗唔知幾多次。 

「呼，終於睇完。」我由心而發地說出這一句。 

「點算好呀...我間房會唔會都有...㗎...」她指了指電視，沒有把那隻字說出來。 





「傻妹嚟嘅，你擔心我今晚瞓唔著好過啦。」我敲了敲她的頭。 

「我都驚自己今晚瞓唔著...不如我地夜晚傾陣先瞓啦。」啊童提議。 

「又好喎。」反正我不論如何也沒有可能可以順利睡著的，即使能也要在夢裏跟惡鬼搏鬥一整晚。






跪求大家Follow我既IG: MaanYin05