是咁的，我同女神做咗鄰居: 128.

「好啊！你話㗎。」他們一聽到我這樣說，立即像獸性大發一般。 

「兄弟們，上！Con 9 條粉腸！」魚蛋大喊。 

四人合地抬起了我，一人捉著我一邊手或腳。

 「喂喂喂喂喂！你地做咩啊！」心知不妙的我問。 

「你叫我地打9你㗎嘛，宜家咪打9你囉。」Marcus說。 





「痴線！我叫你打~我啊...唔L係Con我啊。」 

「收嗲啦，頭先又咁串，我地鍾意點玩就點玩！」魚蛋說。

 「嘩，救命啊~放我落嚟啊！」我大叫。 

「用呢道門嚟玩，嚟嚟嚟，較啱位置先。」他們直接無視了我。 

「喂啊童，幫幫手吖，你都唔想以後生唔到仔㗎嘛。」我轉向啊童求救，但一直在旁觀看的啊童則在與Suki嘲笑著我。 





「哼，邊個要同你生仔啊~」啊童向我做個鬼臉。

 「Suki！幫幫手吖。」 

「幫你老母！大力啲撞！撞L到佢不舉就啱㗎啦。」

 「喂！我同你講我不舉既...」

話未說完，
我就已經感受到下體與大門的接觸，





 被重重撞擊的痛楚，無止境地傳向我的大腦。 

「喂！撞一下就好啦，唔好再嚟...」 第二下，第三下，他們越撞越興奮。

 直到第十下，他們終於決定停止。 

「好，鬆手。」

魚蛋指示他們鬆手，令到我直接摔落地上。 

「嘩，你班友都冇人性既，玩都算啦，玩完都可以放返我落地㗎嘛，你地就唔係既，直接鬆手跌我落地。」我從地上站起來說。

 「走Luuu~去食野。」 





「喂等埋。」我從後趕上他們。

 我們之後便去了那間港式快餐店，

 而這次啊童亦學乖了，叫了這裏的招牌菜，漢堡包。

 反而我上次比啊童強行迫我吃雞脾飯後，

一試難忘，所以這次也叫了炸雞脾飯。 

「嗱，試就考完啦，不如我地搵啲地方去玩下吖。」我提議。 

「你講咗我想講既野，去邊到好？」魚蛋問。 

「再去多次石澳？」肥強建議。 





「搵啲新既地方去啦。」Suki反對。 

「咁呀...一係去長州？」我想起之前啊童曾經說過想去長州。 

「好啊！我想去好耐㗎啦！」啊童說。 

「你地有冇人有其他提議？冇就長州。」 

過了幾秒，沒有人回應，於是我便繼續說。 

「嗱咁反正考完試，大家都冇咩野做㗎啦，不如我地Book間B&B，個日係長州過埋夜啦。」 

「喂好喎！我贊成！」Suki回應。 





「我地兩間房夠啦？」 

「一間你同啊童，一間我，一間佢地。唔夠喎，要三間房先得。」Suki說。

 「唔要啊！！！我唔要同佢一間房啊！」啊童立即反對。 

「唉得啦得啦，你同Suki，我同佢地咪得囉。」我說。 

「喂啊言你係咪男人嚟㗎？我咁樣明幫你，你都自願縮沙，死廢柴。」 

「我廢都唔係第一日既事啦，大佬比人打死咗就唔好啦，啊童痴線㗎。」我笑著對她說。 

「你講咩啊！？」啊童怒吼。

 「嗱，睇到啦，幾惡啊？痴線㗎佢。」我笑著說。





 冷不防坐在我對面的啊童一腳伸過來，大力踢了我一下。







跪求大家Follow我既IG: MaanYin05