是咁的，我同女神做咗鄰居: 129.

「喂喂喂，君子和而不同，就算我地持相反意見，都唔可以郁手郁腳㗎。」我一半正經地說。 

「和你老母！」 

「嘩，乜你咁㗎，連你未來奶奶都鬧既。」

 「妖，唔同你講野啦！」說罷她坐了過去隔壁桌。

 「你係咪衰呢，收下把口得唔得㗎啫？唉，真係麻L煩。」Suki說完後就走過去坐下。





 吃完後，我們便離開餐廳。

 而啊童離開餐廳後也跟我「和好」

(雖然原本就冇嬲過我，只係扮嬲。) 與他們道別後，

歸家路上又再次剩下我們二人。 

「今日終於可以唔駛再溫書啦！」





 「溫書呢啲野，係唔會有溫完既一日㗎，不進則退吖嘛。」

 「吓，你唔會係諗住叫我今日都溫書掛？」我大吃一驚。 

「噗！講笑咋！你睇下你，一聽到話要溫書個樣驚到。」 

「嚇死我...以為你真係咁勤力，啱啱考完試都諗住繼續溫書。」 

「溫書呢，就暫時唔駛溫住，不過好似就快要打羽毛球總決賽啦喎，難得今日唔駛溫書，去唔去打下波？」啊童問。 





「好喎，順便試下塊新球拍。」

 「咁我返去換件衫先。」

 回到家後，我速速更衣，並拿出啊童送給我的那塊新球拍，

 帶上一筒羽毛球，便與啊童出發去球場。 

接連打了兩個多小時，回家時我們兩人都已經累透了。

 「好爽啊今日！好耐冇連續打咁耐波啦！」啊童手舞足蹈地說。 

「咪永遠都係得考完試個日去玩爽囉，之後個日派卷就唔爽㗎啦。」

一想到明天就會知道自己某些科目的成績，我就不禁擔心了起來。





 「驚咩吖！你話過你今次大部份題目都識做㗎嘛，係未？」 

「講係咁講啫，但係可能我充滿自信咁答錯晒呢。」 

「你今次有溫書㗎嘛，我知你雖然成日都想偷偷地攞返部電話，又成日溫緊既時候發吽豆，溫兩溫就話要休息，但係我睇得出你今次有認真溫過書。努力咗咁耐，如果成績都係唔好，咁都冇辦法㗎，唯有下次再努力啲，又或者我同你一齊搵下另一啲適合既溫書方法啦。總之，就算你今次都係考得唔好都唔緊要㗎，同埋你都考咗啦，就算點擔心都改變唔到啲分數，咁不如開開心心咁過埋呢一日去。」 

「睇嚟我真係要向你學習一下呢種樂觀既心態。」我臉上重新掛上笑容。 

「我只係因為係呢方面做得比你好，所以先可以做到一個樂觀既角色，去安慰你啫。換轉係其他方面可能就要你安慰返我㗎啦~」 

「你有邊方面係衰過我啫講真。」

 「總有既，總有啲地方係你優秀過我㗎嘛。」





 第二天，是一個再正常不過的上課日， 

但我的心情卻與平時不同，緊張忐忑，甚至比考試那幾天更緊張。



跪求大家Follow我既IG: MaanYin05
因為IG過100Followers所以加更。