是咁的，我同女神做咗鄰居: 76.

我們唯有跟著她過去訓導處，

她走了進去，叫了我們級的訓導主任出來，

關於訓導主任，他是一位大約四十歲的男人，姓何。

曾經在我Form 1 那一年教授過我中文，所以認識我。

他一出來看見我後，便驚訝地說了句，





「萬浩然？點解會係你㗎，你唔係好乖㗎咩？」

「乖咩啊乖，佢上我堂不知幾曳啊！」八婆禮聽見他讚我後立即說。

「我地不如搵間房坐低先再慢慢講？」何Sir提議。

「好啊。」八婆禮回應。

我們自然沒有發言的權利，所以便跟著他們走進了一間空房中。





在椅上坐下後，何Sir便向八婆禮詢問我做錯了甚麼事。

「咁，Miss Hui你可以開始講佢地做錯咗咩事。」何Sir說。

「佢地就犀利啦！個日啊，上個星期五，佢地上我堂答唔到我條問題，咁我就罰佢地去留堂班啦，你都知我不嬲都好嚴㗎啦。之後啊，放學既時侯比我見到佢兩個鬼鬼祟祟咁想走喎，咁我咪喝住佢地囉，我一叫佢地去留堂班，佢地啊，即刻跑走啊，我追都追唔切。」她指著我們說。

「咁你應該都唔駛搵我處理㗎啦，定係佢地有另一啲問題？」何Sir聽完後問。

「我啊，懷疑佢地拍緊拖啊，咁你知啦，我地學校唔比拍拖㗎嘛。」





「都話我地唔係拍拖咯。」我立即為自己辯解。

「你收聲。」她對我大喝一聲。

「嘖。」

「咁你帶佢地嚟我到就係想我記佢地缺點？」何Sir問。

「呢個其一，其二係我想見佢地家長。」

「吓！」我跟啊童聽到後，異口同聲地說。

「吓咩啊吓，知驚啦？」八婆禮說。

「第一，我地已經講咗好多次，我地唔係拍拖。第二，你根本就冇任何證據去證明我地係拍緊拖。第三，我唔認為呢件小事有必要驚動到我地雙方既家長。」啊童冷靜地說。





「你仲駁嘴？唔駛多講，何Sir，我地宜家即刻打比佢地家長，叫佢地過嚟。」

「其實不如過多一兩日，睇下佢地係咪真係拍拖先算啦，我地宜家無證無據，學生家長嚟到都唔可以證明到佢地真係拍拖，到時我地好難交代㗎喎。」何Sir建議。

「我話係就係啦，如果我地唔一早通知家長，萬一之後家長自己發現咗，佢地好可能會怪責學校，所以我地宜家應該即刻打俾佢地家長。」

痴撚線，呢個八婆禮真係有病...

「嗱，我事先聲明，我啊媽嚟到聽到你地叫佢嚟個原因係因為你地「懷疑」佢個仔拍拖既話，佢一定會鬧爆你地。」我作出最後的勸告。

「你話係就係啊？你一定係咁講㗎啦！」

「算啦啊言，咪等佢地叫家長囉。」啊童胸有成竹，小聲地對我說。





「Miss Hui，不如我地大事化小算啦，唔好搞到要見家長咁大件事啦。」何Sir苦勸她。

「唔得，我宜家就去校務處打電話比佢地兩個既家長，叫佢地過嚟。」

她起身走向校務處，過不了多久，她便回來了。

「我已經打咗電話比你兩個既家長，你地唔駛諗住走啦，佢地好快會嚟。」八婆禮說。

我們就這樣坐在那間房中，等待著他們的到來。

說真的，我是毫不害怕她叫我的老媽來，因為我的老媽一直以來都不反對我拍拖，

而且她也認識啊童，所以我是幾肯定她會支持我。

但我真正擔心的，是周叔叔，雖說他也認識我，





但我卻不知道他容不容許啊童在求學時期拍拖，

而且他可能不想要我做他的女兒的男朋友，

希望他不會相信八婆禮所說的話，

不會反對啊童拍拖吧。

(雖然我地仲未係埋一齊，但我遲早都會成功溝掂啊童㗎嘛，所以趁呢個機會睇下佢係啊童拍拖呢件事上面既立場都好。)

過了一會，老媽率先趕到，

「衰仔，你又搞咩，要啊媽親自過嚟見家長啊？」她喘著氣地走進來。





「冇㗎，我都唔知自己做錯咗啲咩㗎。」我苦笑著說。

「咦，啊童你又係到既？」她掃視了全場一片，發現了坐在我旁邊的啊童。

「你好啊Auntie。」啊童恭敬地說。

「個衰仔搞到你啊？」不知發生了甚麼事的老媽問啊童。

「唔係唔係，千祈唔好咁講。唔關佢事㗎。」啊童說。

「老師，你可以講得發生咩事未啊？」她問八婆禮。

「等埋周樂童既家長就可以開始。」她回應。

「吓，咩咁大件事啊，要請雙方家長啊？衰仔啊，你做錯咗啲咩事啊？」老媽聽到後嚇了一跳。

「唔駛擔心㗎Auntie，好小事㗎咋。」啊童安慰她說。




跪求大家Follow我既IG: MaanYin05 
由於IG Followers 過50，所以今晚八點會加更。