是咁的，我同女神做咗鄰居: 75.

到了星期一，我依舊在啊童家門外等她。

「早晨！」我對著周叔叔打招呼。

「早晨啊啊言。」他對我說。

待周叔叔離去後，我便問啊童。

「你估個八婆禮會點罰我地吖嗱。」





「唉，希望佢唔好罰得太重啦。」啊童嘆了一口氣後說。

「應該唔會掛，最多咪記個缺點。」我安慰她。

「好難講㗎。你知佢㗎啦，唔可以用常理測度。」啊童說。

「唔駛驚喎，我話係我格硬拉你走咪得囉。」我說。

「咁又唔好，我都有責任既。」啊童說。





「算啦，我地宜家擔心都冇用㗎啦，船到橋頭自然直，到時先算啦。」我說。

「都係既。」

由於我們今天的最後一堂是西史堂，所以無論如何，我們今天都是避不過八婆禮。

到了最後一堂，毫無疑問，我們就比她當著全班的面責罵了差不多十分鐘，

最後因為她要教書而暫時停止了對我們的責罵，





但卻要求我們在放學後到教員室找她。

「嘩，你兩個私奔啊？八婆禮叫你去留堂班你地都唔去？」啊正說。

「係囉，你地咁夠膽既。」魚蛋說。

「唉，你估我想咩。」我嘆了一口氣。

不久後，放學的鐘聲響起，我跟啊童執拾好書包後便下去教員室找那個八婆禮。

「May I see Miss Hui please.」啊童朝教員室大叫。

過了一會，八婆禮從教員室中徐徐走出來，

一股難聞的香水味隨即撲鼻而來，





「嘩屌，好L臭」我擰轉頭說。

「你兩個，知我點解叫你地放學嚟啦！前幾日我罰你地留堂，你地竟然夠膽唔去？唔去都算啦，我當你地兩個唔記得咗，但係我放學見到你地叫你地去，你地竟然係我面前咁樣跑走！」八婆禮一見到我們便立即開火。

「其實就唔關佢事既，係我拉住佢走，佢唔夠我大力，所以先至比迫離去既。」我說。

「唔關佢事？我個日見住佢跟你跑㗎喎！你諗清楚先好答我問題，唔好當我係傻。」她說。

「對唔住啊Miss，我地個一日因為有啲急事要做，所以先至跑走咋，我地下次唔會㗎啦。」啊童眼見比她識穿了，於是便主動道歉。

「有咩急事咁緊要啊？有咩緊要得過你讀書啊？下，答我啊！」八婆禮突然大聲喝罵，令到在教員室附近的人都停下手上的工作，看看到底發生甚麼事。

「冇野緊要得過讀書，我地只係一時衝動。好對唔住。」啊童恭敬地說。





「冇野緊要得過讀書你地又唔去留堂班？仲要我越叫越跑！豈有此理。」

「...」

「做咩啊？你兩個去邊嚟呀，拍拖啊？你知唔知學校唔比拍拖㗎？」她繼續說。

「知道，我地唔係去拍拖。」啊童說。

「你地呢個行為，足夠我記你地一個小過。之後，嚟緊個一個星期，每日放學後都要去留堂班。」她開始判刑。

「係。」

「未完，宜家同我去訓導處，我要帶你見訓導主任，講下關於你地拍拖既事。」

「吓！」我聽到後大叫。





「做咩啊？係咪有咩唔滿意？」

「唔係唔係。」啊童急忙代我說。

「唔係就得啦，宜家過嚟。」




跪求大家Follow我既IG: MaanYin05