是咁的，我同女神做咗鄰居: 77.

又過了大約十分鐘，周叔叔又趕到了。

「啊言你係到既？」他一進來就看見我。

「哦係呀，哈哈。人多熱鬧啲吖嘛。」我嘗試令到氣氛輕鬆一些。

啊童聽到後笑著打了我的大腿一下。

「你好啊周生，我係萬浩然既媽咪。」老媽伸出手想跟周叔叔握手。





「你好啊萬太。」周叔叔跟老媽握手說。

「咳，兩位家長好，我係何Sir，呢間學校既訓導主任，呢位係Miss Hui，教佢地西史既。


咁既然兩位家長都嚟齊既話，咁我地就可以開始講啦。Miss Hui。」何Sir示意八婆禮可以開始。

「我地懷疑萬同學同周同學拍拖。」她一副沾沾自喜的樣子，像是發現了甚麼驚天大秘密一樣。

「咦，你地終於係埋一齊啦？」這是周叔叔的第一個反應。





「哦，咁咋？」這是我老媽的第一個反應。

「唔係呀，我都話唔係咯。」啊童急忙說。

「唓，唔駛驚喎，係咪認咗佢囉，老豆又無所謂既。」周叔叔繼續說。

「唔係啊周叔叔，我地兩個真係冇野㗎。」我幫啊童澄清。

「老師啊，你叫我地嚟就係為咗呢樣野啊？」老媽問。





「係啊萬太，因為我地學校係唔俾拍拖既，如果發現有學生係度拍拖呢，係要通知家長既。」八婆禮說。

「但係佢地兩個都話佢地唔係拍緊拖喎。」周叔叔加入戰團。

「我地有合理懷疑，佢地係拍緊拖既。」

「有合理懷疑有鬼用咩，你攞證據出嚟吖嘛！」我忍不住說。

「萬浩然，你冷靜啲先。」何Sir說。

「係囉Miss，你有無證據啊？」周叔叔問。

「我地暫時就未有證據既，不過我相信佢地係拍緊拖既。」八婆禮繼續死撐。





「你無證無據，證明唔到佢地拍緊拖，又叫我地嚟？你曬晒我啲時間！」一如我所料，老媽知道八婆禮沒有任何證據後，立即發火。

「萬太你冷靜啲先，我地係諗住通知你地一聲，希望你地留意下啫。」何Sir打圓場說。

「你通知我唔可以係電話到通知既？同埋你通知我有鬼用咩，你覺得你罰完佢地，我鬧完佢地，佢地係咪真係會分手吖？唔會㗎嘛，中學生，拍下拖，唔影響成績既話又有咩所謂啊？況且，啊童宜家日日都嚟陪我個仔溫書，我不知幾開心啊，有個人可以令到個衰仔讀書。」

老媽當然不會理會何Sir的勸告，不竟她山長水遠走過來見家長，聽到的竟然是她兒子疑似正在拍拖此等小事，她生氣也是正常的。

「係囉，中學生緊係要拍下拖㗎啦，你宜家阻住我個女拍拖，諗住拆散佢地，第日佢搵唔到一個咁好既男朋友點算啊？係咪你地負責吖？」周叔叔說。

「喂呀，你講咩啊！都話唔係咯。」啊童立即說。

我聽到周叔叔這樣說後，頓時放下了心頭大石，

因為第一，他不反對啊童拍拖。





第二，他認為我是一個好男朋友。

將來有天，啊童真的成為了我的女朋友後，相信他也不會反對。

此刻，我看向整件事的始作俑者，八婆許她，面如土色，不發一言。

何Sir看到後立即補救，

「唔係唔係，唔好意思，係我地唔啱，搞錯咗啲野，曬咗兩位咁多時間。你地宜家可以走㗎啦。」他說。

「呼，終於走得啦。」我伸一伸懶腰說。

「曬晒我地啲溫書時間。」啊童說。





「你仲諗溫書，你真係溫習狂嚟㗎喎。」

「你個頭就溫習狂啊！」她拍了我的一下。

「我諗呢，我明白點解老師會覺得佢地係度拍緊拖。」目睹這一幕的周叔叔說。

「唉走啦走啦。」我孭起書包說。

臨走前，我對著八婆許說，

「一早話咗㗎啦，你又唔聽，真係自己攞嚟衰。」

啊童聽到後噗哧一笑，輕輕打了我的背脊一下。








跪求大家Follow我既IG: MaanYin05