是咁的，我同女神做咗鄰居: 61.

 「唉呀啊媽，你唔好再煩住人地啦，人地好勤力㗎，要溫書啊，你去做自己野啦。」我嘗試從老媽手中拯救啊童。

 「你睇下人地幾勤力溫書吖，學下人地啦。」老媽又指著我罵。 

「咁唔該啊童幫我睇住個衰仔啦。我出返去先啦。」她的語氣迅速轉為溫柔地對啊童說。

 「知道啦Auntie，我會叫佢溫習㗎啦。」啊童說。

 待老媽走後，我立即鬆了一口氣。





 「你明點解我會話唔想比你見到我啊媽啦，你感受得佢有幾煩未。」我邊走回我房坐下邊說。 

「乜你咁衰㗎，咁樣話你啊媽，我唔覺得佢煩喎，我覺得佢只係比較熱情啫。睇你個樣，平時你都唔會同佢傾偈㗎啦，好心你啦，人地都係關心你啫，你就唔好成日對你啊媽態度咁差啦。」啊童對我訓話。 

「唓，我都係為驚你覺得佢煩啫，你唔怕咪得囉。」我不忿氣地說。

 「溫書啦，仲講。」啊童輕輕敲一敲我的頭說。 

「我明點解你唔覺得佢煩啦！」 





「點解吖咁。」 

「因為你仲煩過佢。」我笑著說。 

「為你好咋！我唔想一陣你要揀唔到自己鍾意既科。」啊童打了我的頭一下。 

「係係係，對唔住。」我說。

「係呢，你想揀咩科啊？」我問。





「唔，我啊...應該係文科啦，可能係中史或者西史？再加地理？」啊童回答我。

「咦，大家興趣差唔多喎，我都係想揀呢啲科。」我說。

「希望我地下年可以同班啦。」我繼續說。

「你唔好因為想同我同班而揀啲自己唔鍾意既科啊。」啊童說。

「得啦得啦，我係真心鍾意呢幾科既。」

「咁你仲唔認真啲溫書，一陣間成績太差入唔到呢班唔關我事㗎。」

「係啦係啦，宜家咪溫囉。」我說。

 到了差不多六時，

啊童說她父親應該已經回家了，

於是便向我們告辭，回到自己的家中，

 「聽日見。」我說。 

「記得溫書啊！Bye bye。」啊童穿好鞋後對我說。 

「得啦得啦，長氣。」我敷衍她說。

 「為你好咋，就係知你唔會溫書，所以先咁長氣，不斷提你咋。」

 「係係係，啊童最好！」 





「哼，算你啦。」說罷她便關了門。

 「好好珍惜人地啊，好女仔嚟㗎。唉，都唔知點解佢會眼光咁差，以佢既條件，佢大可以揀其他人，但係佢偏偏揀咗你，真係戥佢可憐。」我媽在我身後說。 

「你講咗去邊啊？我地朋友嚟㗎咋，況且我都唔係真係咁差啫。」我不滿地說。 

「枉佢仲咁關心你，原來你只係當人係朋友，講真，啊媽唔係傻㗎，我一眼就睇到你地既關係唔係朋友咁簡單啦。」

 「總之唔係啦。」



跪求大家Follow我既IG: MaanYin05