是咁的，我同女神做咗鄰居: 60.

「啊童，搵個位匿埋，快。」我急速地拍打她的肩膀說。

 「做咩啊？」一頭霧水的啊童回過頭來問我。 

「我啊媽返咗嚟，我唔想比佢見到你。」我壓低聲量說。 

「點解呀？」她追問下去。 

「唉呀你唔好再問啦，我唔想比佢見到你係因為我怕佢會係咁煩你呀，你快啲匿埋啦。」我說。 





「咁我匿邊啊？」

 我快速看了我房間一遍，然後指著衣櫃說。

 「匿呢度，快啲。」

 「唔得，呢度好黑。」啊童說。 

「有幾黑啫？咁你瞓上我張床啦。」

我指著在我書桌上的床，

 因為我的床是上格床，所以只要啊童蓋好被，

基本上我老媽是不會發覺的。 

她看了看，想了一下後說，

 「好啦。」 





「快！」因為我已經聽到老媽關門的聲音了。

 「唔準偷睇我裙底㗎！」啊童在雙手抓著梯子說。

 「得啦，我最多抽下水㗎啫，未去到偷睇你裙底咁變態。」我說。

 啊童反了反白眼後便開始攀爬，

我老媽的腳步聲亦越來越近。

 不出五秒，啊童已經上到了我的床上，

並平躺了下來，

同時間，我老媽就已經來到了我的房間中。





 「衰仔，啊媽返咗嚟你做咩冇反應㗎，又唔出嚟幫手攞野。」 

「哎呀啊媽，你見唔見到我係度做緊咩呀，溫書呀！我專心到連你返咗嚟我都唔知，點出嚟幫你攞野啫。」我指著桌上的地理書說。

 「又會突然之間咁乖自動自覺溫書既...」她一邊走進自己房一邊說。

 待她進了去關了門更衣時，我立即爬上自己的床叫啊童。 

「喂，快啲趁依家走，我啊媽換緊衫。」我說。

 她聽到後立即從我張床上下來，並拿起自己書包。 

「其他野我一陣過嚟比返你，你宜家快啲著鞋走咗先。」我急忙推她出去。





 「咔嚓」

 對，你沒猜錯，事情就如各位想像中的一樣。 

老媽不知為何突然打開了門。

 我聽到聲音後背脊發涼，

立即以自己的身軀嘗試擋住啊童，

可惜無補於是。 

「衰仔，邊個嚟㗎，我都覺得有古怪㗎啦，點會有對女仔鞋係玄關到㗎呢。」

 「唔係唔係，你聽我解釋先啦。」我急忙說。





 於是我便把整件事的來龍去脈一一告訴我的老媽。 

「對唔住啊Auntie，打攪晒，我宜家走㗎啦。」啊童在我身後說。 

「走去邊啫你？你都冇帶鎖匙，你爸爸又應該未返到，你咪繼續係到囉，我都冇所謂既。反正我一直都想搵個人幫我睇住個衰仔，督促佢溫習，宜家有個靚女幫我睇住佢，我就放心晒。」老媽對著啊童說。 

「多謝Auntie。」啊童有禮地回應。 

「衰仔做咩要人地匿埋。」老媽罵我。

 「冇呀，佢自己走上我張床到咋嘛。」我指著啊笑著說。

 眼見老媽不介意啊童留在這，於是我便開個玩笑。 





「唔係呀！係佢叫我走上去匿埋㗎。」

啊童著急地為自己辯護，並且輕輕打了我背脊一下。

 老媽瞪了我一眼， 

「係呢講咗咁耐都未知你叫咩名添。」她問啊童。 

「我叫周樂童，你可以叫我做啊童。」她回答。

 結果，不出我所料，

我煩人的老媽不改她長氣的性格，

總共跟她聊了十多分鐘， 

內容不外乎是她的成績，學業等等。 



跪求大家Follow我既IG: MaanYin05