是咁的，我同女神做咗鄰居: 62.

啊童走了後，我當然沒有按照她所說的好好溫習， 

而是去了打機。

 基本上整個星期，

我是完全沒有碰過那一壘厚厚的書本， 

每天放學後，便在家中盡情打機。 





理所當然地，

裸考的結果，

就是大部份科目都不合格，

 除了西史跟數學外，

我剩下的八科全部不合格， 





收到成績的我毫不意外，

反正只是個測驗， 

不是考試，所佔的分也不多， 

下次大考才發力認真溫習吧。

 但是，坐在我旁邊的啊童，

在得知的所有成績後， 卻大發雷霆，

 「你肯定冇溫書啦。」啊童怒氣沖沖地看著我說。 

「哎呀，測驗咋嘛。」 

「你仲咩唔聽我講溫書啫，你知唔知今年成績好重要㗎，要用嚟揀科㗎。」啊童說。 

「唓，測驗佔得個小小分，下次考試高分咪得囉。」我說。

 「你又知你下次考試可以攞到高分？」 

「咁認真啲溫書就得㗎啦。」 

「你唔係要認真咁簡單啊，你今次冇溫過書，啫係話你對課本既內容已經係冇人地咁熟㗎啦， 你再唔勤力啲，你真係追唔返㗎。」啊童說。 





「唉，呢啲野遲啲先算啦。」我說。 

「仲遲啲？你知唔知你得返兩個月㗎咋，好快又考試㗎啦。」 

「兩個月喎！一個月都夠啦。」我說。

 「唔得，你唔係求合格啊！你係要求高分啊！」 

「咁啫係咩意思啊？你想叫我宜家開始溫書啊？」我問。 

「緊係啦。」她一副理所當然的樣子。

 「喂大佬，啱啱先測完驗咋喎，咁快又溫書？」我不滿抗議著。





 「你呢個測驗都冇溫過書，你淨係係到打機咋嘛，唔好以為我唔知。」

 「我...我有溫㗎！」 

「有溫都唔荒溫得多啦，溫得熟就唔係咁多科都唔合格啦。」 

「咁我都有辛苦過吖，所以我認為我要休息下。」 

「真係好辛苦喎！溫得個一陣。對比起其他人，你簡直係輕鬆啦。」啊童說。

 「唉，咁我聽日開始溫囉，咁得未。」我退一步說。

 反正她也不會知道究竟我在家中在做甚麼，

 就算我整天打機，

她也只會以為我是在溫書，

 所以我為了擺脫她的「關照」，

便說了一個美麗的謊言。

 「唔得。為咗確保你真係有溫書，同埋考試會攞到高分，我決定，由聽日開始，每一日我都會同你一齊溫書。」啊童就像看穿了我心裏的想法。

 「喂唔得唔得，我覺得自己會頂唔順，起碼都過多幾個禮拜先開始啦。」

眼見我的奸計不得逞，於是我便打算使用拖延戰術。 

「唔洗諗啦，就聽日開始，你屋企溫，講完。」狠心的啊童一口拒絕。 





「真係好辛苦喎。」

 「我咪仲辛苦，要陪你溫。」啊童說。 

「你可以選擇唔陪㗎嘛。」

 「吖，你仲多多事實係咪啊？你再講我又嬲㗎啦~你係咪唔記得你上次氹得我幾辛苦吖？」 

「唔係唔係，我唔係咁既意思，但...」 

「唔係咁既意思就得啦。聽日開始。」啊童打斷我說。



跪求大家Follow我既IG: MaanYin05