是咁的，我同女神做咗鄰居: 59.

我把我跟她的書包拿進房間後，

突然心生一計，

 我走過去廁所方向，

把廁所的燈關了，

 「萬浩然！快啲同我開返燈啊！」啊童在廁所內咆哮，我隔著度門也感受到她的怒氣。



 「做咩啫，又唔係全黑，個窗會透光㗎喎，就算我熄咗盞燈你都唔會睇唔到野啦。」 

「透光啫，但係都係好暗吖嘛，你快啲開返佢啦。」她說。

 「你出嚟自己開返佢啦，Bye Bye。」我笑著說。

 「喂...喂你幫我開啦，如果唔係...我一陣出到嚟你就知死！」

 我充而不聞，站在廁所門外，



等待她走出來。 過了一會，

 「啊言...你幫我開返燈先啦，我開唔到門啊。」 

「點會啊，你扭一扭個門鎖就開到㗎啦。」我疑惑地說。

 「我睇唔到啊！你快啲放返我出嚟先啦。」她拍著門說。

 「唉好啦好啦，我真係失敗，想整估你，結果比你講兩句我又心軟。」我打開門說。



 誰知我剛打開門，

啊童便撲出來，不斷拍打我的手臂，

 「衰人衰人衰人！成日都蝦我。」她扁著嘴說。 

「我點樣蝦你啊？我熄咗盞燈咋喎，宜家仲有太陽，個廁所就算冇咗燈都唔會黑到睇唔到野吖。」我邊躲避著啊童的攻擊邊說。

 「總之我頭先就睇唔到啦！你搞到我頭先洗洗下手突然之間乜都睇唔到啊！」啊童繼續打我。 

「唉對唔住囉，我錯啦，得未啊。」

 「哼，唔理你，我去溫書。」

她自行走進我的房間中，更坐在我的位置上，



從自己書包中拿出中史課本並開始溫習。

 「喂喂喂，你坐咗我個位啊。」我走到她身旁不滿地說。

 「嘖，男人老狗咁婆媽，你出去攞過張入嚟坐咪得囉。」她看了我一眼後說。 

「明明呢到係我屋企...點解我會比人搶咗張櫈嚟坐㗎...」我邊走出去邊喃喃自語。 

我很快便從大廳中來了一張櫈並折返， 

我回到房後便拿出電話看IG，

 正當我看得高興時，啊童卻一把搶走我的電話，



 「喂，唔準睇IG啦，你睇咗好耐啦！同我溫書。」她把我的電話收在她的裙袋中。 

「吓我睇咗幾秒咋喎。」我說。 

「下個星期就UT啦，你仲顧住係到睇IG，唔溫書！你想唔想考好啲㗎？快啲攞本中史書出嚟一齊溫。」

啊童從我書包中左找右找，拿出我的地理書，並為我揭開。 

「唉溫啦溫啦，休息都唔比。」我嘀咕著。 

我就這樣，比迫跟啊童一起溫習，結果一溫就溫了一個小時。 

「呼，終於溫完啦，我溫到就嚟死啦。」我趴在桌上說。 

「溫一陣書就嗌晒救命咁。」啊童鄙視我著我說。



 「喂咁我返完成日學，休息都冇休息過就溫呾耐書，鐵人都頂唔順啦。」我沒精打采地說。

 「唉比你休息十分鐘啦，抖一陣就溫西史啦。」啊童從裙袋中拿出我的電話給我。

 我一看到自己的電話立即兩眼發光，

如餓狼一般從啊童手上搶走電話，盡情休息， 

那邊廂的啊童在看到我的行為後無奈地搖著頭嘆了一口氣。

這時候，我突然聽到鐵閘打開的聲音，

我看一看電話上顯示的時間，五時半，



 糟了，老媽回來了！

 我絕不能讓老媽知道我帶了啊童回來，

 其實我也不知道為何自己如此怕老媽發現啊童的存在，

 反正就是不想比她煩， 

所以我要趁老媽進來之前把啊童藏起來。 



跪求大家Follow我既IG: MaanYin05