是咁的，我同女神做咗鄰居: 58.

「點呀，好悶啊？」Suki走後啊童才回頭問我。

「唔悶呀，聽住你地吹水點會悶啫。」我口是心非地說。 

「唉呀，小言言嬲呀？唔好嬲啦，姐姐帶你去食心太軟吖。」啊童看到我的樣子後安慰我說。

 「我邊有嬲啫。」 

「噗，仲話冇嬲，你既心情已經寫晒係你塊面到啦。」 



啊童伸出手來，

「搣」我兩邊面，強迫我的嘴角揚起，

 「笑返，Yeah。」啊童興奮地說。

 無奈的我只好配合她，微笑了一秒。

 「係咪去文姨到啊？」我問。



 「係呀係呀。」 於是我們便去了甜品鋪， 

「咦你地又嚟啊？」文姨看到我們後問。 

「係啊，呢個人嬲咗我，所以咪帶佢嚟食心太軟囉。」啊童扯著我的手臂說。

 「都話冇嬲咯。」我說。

 「有冇嬲都唔緊要，文姨宜家入去整個心太軟比你地食。」



 「唔該文姨。」

 理所當然地，這一餐是由我來付錢，

啊童根本是自己想來食心太軟， 

她一吃完便拿起書包走了出去，

完全沒有打算要付錢。 我付完錢後便走出去， 

「吖你個衰妹丫，食完就拍拍籮柚走人。」我不滿地說。

 「吓，有咩？我有問過你要唔要我幫你俾錢㗎，係你唔理我咋嘛。」她說。 

「幾時問我啊你？」我不解地問。 



「食緊既時候囉！我係個心入面問你『駛唔駛我俾錢啊？』，但係我聽唔到任何答覆，咪以為你俾囉。」

 啊童說得好像錯的是我一樣，完全不覺得自己說的話有甚麼問題。

 但或許，天下間，

亦只有啊童能在我面前說出此番語論，

而不比我用粗口問候。

「你想屈我請你你都搵個好少少既籍口吖...」我苦笑著說。

 「唓，反正我點講你都會請我㗎啦。」啊童說。 



「邊個話㗎，俾錢，宜家即刻俾錢。」我伸出手來。

 「吓~男仔俾錢唔係應該㗎咩？」啊童扁著嘴問。 

「如果我宜家係同你拍拖就係，宜家咁樣我係唔會幫你俾錢㗎。」我說。

 「咁你咪當宜家係同我約拍拖囉。」啊童搖著我的手說。

 「痴線，點當啫。」我說。

 「點解唔得啊？你講吖。」啊童叉著腰問。 

「有好大分別既...」

 「有咩分別吖？你舉下例講比我聽。」 



「例如啊，例如人地拍拖會錫下對方咁...」

 話未說完，我的左邊臉頰就比啊童親了一下。

 「咁得啦，你俾。」啊童神情自若地說。

「走Luuu！」啊童奔奔跳跳朝回家的方向離去，

留下呆若木雞的我在原地。 

我整理思緒後便跑去追回啊童，

 我跟啊童沿途閒話家常，大家都有默契地，



隻字不提剛才所發生的事。 

不久後，我們便出了升降機，到達了我們家所在的那一層， 

「聽日見啦。」我說。

 「唔，記得溫書啊你。」啊童不忘提醒我說。

 「得啦得啦。」我笑著打開門說。

 正當我準備關門之際， 

「喂啊言！」啊童叫了聲。

 於是我重新把門大開，看看她為何突然叫我。

 「我會溫書㗎啦，你唔駛特登過嚟提我。」我對著站在門外的啊童說。

 「唔係啊，我叫住你唔係因為想提你溫書啊。」啊童反一反白眼說。

 「哦，咁係咩驅使你過嚟呢？」我問。 

「係我好似...好似唔記得帶鑰匙。」 

「咁啊...你入嚟坐下先囉，等到你啊爸返嚟你咪過返去囉。」

 「打攪晒。」啊童進來時說。 

「唔駛咁客氣啦，得我一個咋嘛。」我說。 

「對鞋擺邊啊？」啊童站在玄關問我。 

「個度。」我指著我剛才除鞋的位置，然後去櫃中為啊童拿出一對拖鞋。 

「唔該。」啊童接過拖鞋說。

 「我去個廁所先。」啊童放下書包後向走廊方向走。 

「喔。」



跪求大家Follow我既IG: MaanYin05