《我的MK妹同桌》第二季: 218

「唔出啦。」我坐係呀詩視線可以見到嘅範圍。
 
「下？點解啊？」呀詩發自內心咁驚訝，佢停低手上面嘅功課，睜睜地望著我。
 
「因為⋯⋯」我一時之間都唔知點答好，遲疑咗一陣，答唔答真話好？定係敷衍過去？
 
我覺得原因唔需要咁老實交代，同埋唔知點開口講好。
 
「我驚你自己一個係度。」屌⋯⋯我最後都係講咗出嚟。
 




呀詩第一下笑咗出嚟，然後又回復正經嘅模樣，講：「你難得嚟到唔出下去？」
 
「琴日都去咗好多地方啦。」可能我下意識都係認為，坦白對雙方都好吧？
 
「同埋我今次過嚟，係搵人。」呢次旅行轉變真係大⋯⋯我個心都有啲攰。
 
「哼！」呀詩個鼻噴曬氣咁，然後就繼續做嘢。
 
我哋又再回復平靜嘅空間。
 




去到傍晚，成日都係屋企無所事事嘅我，終究感到百無聊賴。
 
「我落去買啲嘢返嚟整嘢俾你食啊。」我行過去同呀詩講。
 
呀詩係度埋頭苦幹緊，佢真係朝早到依家都係度搏命做緊，做到個人頹曬。
 
「好啊。」
 
「咁你想食咩？」我問道。
 




「意大利粉？」呀詩興致勃勃咁講。
 
見呀詩咁有雅興，都無得唔遵從啦？就咁決定啦。
 
「咁你乖乖地係度等我。」我摸摸佢個頭，就出門口買料。
 
但係直到依家，我都摸唔著呀詩想點樣⋯⋯
 
依家呢種狀態究竟係點呢？我哋仲一齊緊？之前又講到要分開咁⋯⋯
 
咁我哋係咪呢次英國之旅完就會分手呢？