《我的MK妹同桌》第二季: 181

「我見你留意呢個袋好耐㗎啦！通常呢，女仔會睇好多樣嘢，睇袋、睇衫、睇化妝品，但唔係樣樣都會想買，雖然好多都靚嘢，但真係邊有咁多錢買曬咁多樣啊，係咪？」我分析得頭頭是道，而呀詩係我側邊望住我傻笑，唔知做乜鳩。
 
「係啊，無錯啊，講得好啱啊！但係你點知我會想買呢樣㗎？」我就係等呀詩呢句。
 
「因為？只要留意你睇邊款減價，留意好幾次嘅，嗰一樣就係你最想買到嘅嘢。」我好撚巴閉咁講，因為真係幾撚威，而且呢招幾乎百發百中。
 
「知道咗之後我都唔會理係咪減緊價，照買咗佢就啱㗎啦！」
 
呀詩佢拎住個袋，心花怒放咁痴埋嚟，開心到佢呢⋯⋯
 




而我係度目無表情，任佢痴住我，但其實心入面暗爽得很。
 
「雖然你係好細心，好留意我，呢樣係好抵讚嘅⋯⋯」
 
「錫曬你！」然後錫咗我一啖。
 
「但係你唔知嘅係，其實我有留意減價嘅話，我係一定會買，而我係自己買到，同埋呢，佢過幾日就減價了，姐係你依家其實係買貴咗。」呀詩講完之後，莞爾一笑。一個冷水潑埋嚟。
 
「不過你咁有心，差嗰幾百蚊咪就係你嘅心意囉！」老實講，呀詩仲識氹人過我。
 




咁今年佢滿意就得啦，平淡又一日，唔淨係佢生日先重要，查實係每一日都咁重要。
 
過往呢啲日子，呀詩會係ig啊facebook上面曬幸福，咁當然啦，我都開心嘅，如果佢社交平台上面無出現過我嘅話，我先需要擔心。
 
但今日佢無開過post，啲相就咁儲落係手機度，好低調。
 
我反而幾enjoy依家呢個階段，係好舒服，了解大家，看似無乜火花，但只要細心一睇，任何一個舉動都係深愛，都係記掛。