《我的MK妹同桌》第二季: 173

呢啲相又可以換嚟做wallpaper啦。
 
電車路去到後期，好多位都吉咗出嚟，我同呀詩換咗去兩人座度，就咁靜靜地，望下出面嘅風景，吹下風，頭先悶熱嘅感覺已經消散曬。
 
無乜搵新嘅話題，然後一靜落嚟，就算呀詩係我隔嚟，我都會忍唔住去諗。
 
諗咗好多，越諗越亂。
 
好快就埋站，我哋買咗啲嘢食返去，佢又肚餓，好明顯佢只係口痕，會幸福肥唔係無原因。
 




嗰晚，我哋久違地做咗兩次。
 
我記得以前係做得好快，然後次數可以好幾次，一次邊度夠皮啊？
 
但慢慢去到最近，我哋扑嘢嘅時間耐咗，玩好幾樣花式，但遲遲未能完事，當我哋完咗之後，成身出曬汗，真係劇烈運動咁。
 
我不禁問自己，真係屌厭咗？
 
其實我都仍然覺得呀詩好正，仲係好快起到機，但就係唔知點解會咁⋯⋯
 




然後我同呀詩嘅前戲亦都長咗，應該係話更加享受前戲。
 
係咪一齊耐咗，有啲事情就慢慢變得唔一樣？我哋又需要花幾多時間去接受呢種變化？
 
諗返起初初同呀詩埋牙嗰陣，嗰種緊張嘅心跳，一早換成平淡嘅公式，變成一種程序。
 
然後難以全心投入落去。
 
本來我仲好期待⋯⋯期待同呀詩翻雲覆雨，話曬咁耐無做，同埋各自都忙，連見嘅時間都好繃緊。
 




但一上陣，嗰種期待一下子落空咁，有可能係我過於期待？
 
我唔明⋯⋯我自己仲有咩唔滿足？我知我有啲朋友條女唔俾佢扑添，佢日日都有得望，無得食；而我已經好好啦，呀詩將我餵到飽飽。
 
呢啲諗法，我無表現出嚟，我攬住呀詩，某方面的而且確係滿足咗，但我知唔同咗，有啲嘢⋯⋯

就算得知呀詩佢半年後會離開香港，我都無好似我想像中咁，諗住會好好珍惜同呀詩相處嘅一分一秒。
 
我以為自己會成日都搵佢啊，可以見就見多啲，我以為係會咁樣⋯⋯
 
但點知我無，我開始覺得自己生活入面唔淨係得愛情，我一日嘅時間入面分配咗俾其他嘢，平均地。
 
返part time啦、打波、打機、打飛機、煲下劇、玩下手機⋯⋯
 
當呀詩搵我嗰陣我會即時出現，當時間長咗唔搵，醒起嘅時候就會搵佢。




 
我都想搵個原因去解釋自己呢個行為，我搵唔到⋯⋯我都唔知點解會咁。
 
不過你問我有無唔開心？有無唔慣？我又唔會，反而覺得咁樣相處好舒服，自在。
 
可能咁樣，我哋可以更加有能力去應付long D？
 
「今年生日你諗住點過啊？」係一次拍拖中我問起呀詩。
 
一開始嗰幾次都係我幫呀詩安排生日，當過咗好多次生日之後，就點都會變，真係無乜可能年年生日都要搞到好盛大咁，終有一日會平靜落嚟，對呢一日嘅期待感會逐漸降低。
 
「其實無啊⋯⋯只係想簡簡單單咁過。」呀詩嘅反應好似佢講嘅咁——平淡。
 
「咁簡單嘅話就唔慶祝㗎啦喎？」我玩嘢。
 




「你可以試下嘅，好似幾好玩咁喎。」呀詩用銳利嘅眼神望住我。
 
算係呀詩最後一個暑假，佢搏命返part time搵錢，補習啦，返嘅時間亦都長咗，咁我有時間就會去接佢收工，佢住返自己屋企就近好多⋯⋯
 
附近嘅公園同埋海皮都係我哋成日拍拖嘅地方，呢啲地方hea走我哋唔少時間。
 
呀詩佢唔想呢個暑假淨係得返工，佢想個暑假過得精彩啲，佢咁樣同我講。
 
「如果呢⋯⋯之後我多咗出去同班朋友玩嘅話，你會唔會唔開心㗎？」佢試探性咁問我。
 
「其實，你想嘅咪去囉，我的確無理由去阻止你，因為你有你諗法，同埋你咁樣做會開心嘅話咪夠囉。」
 
我補多句：「就連你去exchange我都無阻止到。」