《我的MK妹同桌》第二季: 139

「之後我想再做好啲，好無？」聽到呀詩咁講，我真係幾開心，咁樣已經好滿足。
 
「好。」呀詩佢好溫柔咁捧住我塊臉，左右手不停咁係搓⋯搓⋯搓⋯⋯
 
「多謝你咁信我。」佢之後講咗呢句。
 
「傻嘅咩，多咩謝。」
 
「我知大學好多人嘅感情都係呃呃氹氹，呢個傷完嗰個，受傷嗰個又去搵水泡，然後又傷返人，中間經歷唔少又呃又氹嘅嘢，咩又背住第二個搵第條女，手機度又唔知收埋啲，我個fd就好似癲雞咁日日疑神疑鬼，搞到成村人都好擔心佢⋯⋯」
 




「之前同我住緊嗰個啊，諗住勾引你嗰個啊，背住佢long d緊嘅男朋友，成日帶第啲仔上嚟扑嘢，呢個世界真係唔啱我玩。」
 
「老撚土咁講啊，依家咁樣真係唔係必然嚟。」今日好唔慣呀詩咁正經添。
 
「得啦得啦，好撚老土啊！」我取笑呀詩。
 
佢聽到我呢句之後，個人即刻紅都面曬，尷尬到怕醜。
 
「屌你啊！！！明明頭先就好深情，就算真係老土啊，你都唔好講出嚟啊嘛！」呀詩個樣好好笑，之前嘅心結，總算兩個人一齊解開咗。
 




我估，如果之後要咁樣行落去，一定會經歷好多次呢啲時候，只要兩個人心無芥蒂先可以一直維持落去。
 
起碼依家暫時做到先，要做到，已經唔容易。
 
「你俾啲新意得唔得姐！咪成日學TVB咁啦⋯⋯」
 
咁啱朗豪坊個電視機就係度播緊TVB最新劇集嘅宣傳片，都幾應景。
 
呀詩企係我前面，因為樓梯關係，個人矮咗一大截，顯得嬌小可愛。
 




「你睇下⋯⋯」我指一指個螢幕。
 
呀詩轉身望一望，然後望返嚟，怒睥住我，嘴角抽蓄緊，忍唔住笑咗。