《我的MK妹同桌》第二季: 123

之後段時間，我哋真係少咗出嚟，佢都會講下佢啲時間去咗邊度，有時夜晚都會同班fd係房度打麻雀，佢已經唔撚理嗰個戇鳩室友。
 
然後係出發嘅前幾日，我仲滿心期待去旅行嗰段時光，可以好開心咁去玩，而且又可以同一間房，夜晚大戰返幾百個回合亦不為過！
 
但係，喺我返完part time，收拾好曬樓面嘅嘢，換衫嗰陣睇到個電話，喺呀詩whatsapp我。
 
呀詩：
Sorry啊bb.....頭先班上面有人好急咁搵我做今年Ocamp嘅組媽
話四周圍都搵唔到人
我⋯我已經講咗話嗰幾日要去旅行




但佢不停咁求我
我就話問下你先
佢已經打咗幾次問我點樣
你睇到就覆下我啦.....
 
佢一連串whatsapp sd過嚟，我見到都真係唔知點覆，我覺得自己就嚟會俾自己好人打敗。
 
我：睇你想去邊囉 我哋可以遲下再去玩 Ocamp嘅組媽你都係第一次join 你可以自己衡量下.....
 
收工之後，呀詩就打俾我。




 
「你係咪真係ok㗎？」佢第一句就咁樣問我。
 
「咁你之後係咪無時間啦？」我無直接答佢問題。
 
「之後都差唔多開學，又要返part time，真係未必有咁多時間去⋯⋯一係我哋睇下聖誕嗰段時間點？」呀詩放軟曬態度講，我感覺到佢係有愧於我。
 
我心軟。
 
「咁就睇下聖誕點啦，我去睇下退唔退到飛啦。」因為我上網訂咗啲套票，可以住長隆酒店連埋水上樂園一齊玩。




 
直通車嘅飛都買埋，唯有聽日去退囉。
 
「對唔住啊⋯⋯」聽到呀詩咁講之後，的確心入面無怪佢啲咩，其實佢都太好人，呢一點我哋半斤八兩啦。
 
但係無可避免地感到失落。
 
係期待後嘅落空，然後忽然失去一路等待緊嘅嘢，原來都係會控制唔到咁覺得難過⋯⋯
 
「唔緊要啦，洗乜對唔住啊，你Ocamp嗰度應該都好多嘢忙喎。」我努力咁令自己把聲聽落精神啲。