《我的MK妹同桌》第二季: 122

「下？點解啊？」我唔明，我為咗想見下你，都專登過嚟搵你喎，點解又唔好啊？
 
可能因為我面色同埋語氣有啲不悅，呀詩有啲嚇親。
 
「唔係你咁諗㗎，我係驚你太攰咋。」呀詩運忙解釋。
 
「我唔攰啊，為咗見你，我點會攰？」為咗見下你，我幾攰都覺得值得。
 
「你依家唔攰姐，你總有一日會攰，我哋想要行落去嘅話，就係唔好拍得太攰。」呀詩似乎覺得我唔明白佢擔憂緊啲咩。
 




「我可以嚟見下你真係一啲都唔覺得攰，有時見完仲會有返動力咗，我真係心甘情願㗎。」我嘗試解釋，嘗試協調。
 
「但你慢慢耐咗，你會攰到出街都唔想出，會攰到唔想送我返屋企，因為你送完我再返去，嗰條路係會搾乾曬你所有力氣。」我終於搞清楚呀詩想講啲咩，當我明白咗之後，我反駁唔到。
 
因為我依家返去嗰段路程，我攰到淨係想瞓。
 
「咁我就係因為唔想見唔到你，先幾攰都想出嚟。」
 
「我都知，所以我幾忙都好，都會出嚟同你食個飯，我知你咁攰都走過嚟，淨係想見下我，我都唔忍心話因為忙唔出嚟同你食飯。」呀詩誠懇咁講。
 




「我攰到⋯⋯連打扮下嘅時間都無，求其著件tee就返學算。」又真，佢依家件衫，就係佢件系tee嚟，背後大大隻字印住佢邊間大學咩系，亦係佢哋叫嘅頹tee。
 
「等我哋忙完先再約出嚟囉，我寧願留一日for我哋全日拍拖咁樣。」然後佢講講下，眼睛眨下眨下咁望住我⋯⋯
 
「我仲有好多地方都想去影相㗎！！等你好好地咁幫我影下。」
 
「咁我咪仲攰？」我笑說。
 
「你扑嘢嗰陣唔攰嘅？咁你又扑？」佢串到應一應，就好似嗰經典一幕「臭你又奶」一樣。
 




「點同啊？」我駁都駁得無力過人，我哋拍得耐咗，講起呢啲嘢已經可以唔怕醜，甚至乎係唔要面咁講出嚟。
 
「同埋呢，你細聲啲講得唔得啊？你好撚自豪咩？」
 
「我咁索，點解唔自豪啊？不過睇你咁無霸氣咁，人哋一睇你就知你對自己唔自豪啦。」呢個百變嘅女人真係好難捉摸。
 
我哋坐係卡位，隔離圓枱嘅姐姐都望一望我哋，陰陰嘴咁係度笑，然後呀詩仲笑到gap gap聲咁。
 
「你俾我有時間，一定屌撚死你！」我攞返個尾彩。