[愛情] 心連心 (粵語): 7. 第十四日

終於到咗要同啫喱小櫻一齊去台灣嘅日子，我好簡單咁執咗行李，同阿爸阿媽講聲之後，出發去機場。 

我帶住一份好期待嘅心情去到機場，喺check in之前等佢哋。 

先見到嘅係小櫻，佢拉住個小行李，向我揮手。 

小櫻佢一見到我：「紙巾咁早嘅？」 

我話：「我唔係不嬲都早到咩？」 





小櫻話：「以前妳最興遲到㗎。」 

呀係喎，其實我係知道子恩佢一直都有遲到嘅習慣，但係我唔係吖嘛，我都有同佢唔同嘅地方嘅。

 
又諗起佢嘅？算啦，我唔想諗咁多，我只係想同朋友大玩一場。 

再等多十分鐘，啫喱都到埋。 

齊人，check in，上機！ 





我哋三個人，三個女人就一個墟，未入機之前就發咗癲咁大聲講大聲笑，搞到好多人都望住晒我哋。 

去台灣班飛機係屬於細型機，每邊兩排，我就自己一個坐開，啫喱同小櫻就一齊。 

佢哋兩個都係一個細墟，成程冇停過，我其實好想傾埋一份，冇計，坐完飛機可以再繼續。 

我其實有諗過，點解就算我用咗子恩嗰身體，但係我都係有我自己個性格同對人處事方式嗰喎，表達同傾偈方法，用詞怎至口頭嘽，都應該同子恩唔同嘅啫，點解佢哋唔會發現我有變咗嘅咩？ 會唔會係個系統都會幫咗我哋處理埋哩啲bugs？ 

我望住佢哋兩個，其實都會諗番我本身自己（男）嘅朋友，唔知佢哋同子恩又係咪冇問題嘅呢？ 





其實我有發覺，子恩佢就算用咗男仔身，佢個性格始終係個女仔，咁唔會令人産生懷疑嘅咩? 睇嚟都想問佢哩樣嘢。 

飛機終於到埗，我哋三個簡直係衝出機場，發晒癲咁。 

我哋到咗住嘅地方之後，哩頭擺咗低行李，嗰頭已經跑咗出去。 

我哋坐車去咗夜市，一直由街頭掃到街尾。