[愛情] 心連心 (粵語): 5. 第七日

第二日一早，根本喺我未恢復嘅情形下，痛楚再次轟炸我嘅精神同肉體。 

痛楚係依然唔會客氣咁折磨我，而我就好似被俘虜咗嘅人俾鞭打全身嘅感覺一樣，體無完膚咁。 

其實我係知道可以有咩方法女性係唔駛受哩啲痛，但係唔係個個人都會做。 

一樣係食避孕藥，一樣係直接了當係止痛藥。 

經過咗頭兩日M痛嘅洗禮，我可以係話，多謝天下間嘅女性，冇佢哋係唔會有我哋嘅。 





第三日係已經冇咁犀利，量都少咗，我可以正常行動。 

今晚小櫻約我去食飯，我就出咗街。 

當小櫻見到我嘅時候，佢先發見我面色都未恢復：「我哋去食番啲補血嘢，我知道有間啲雞湯超正。」 

喺食緊飯嘅時候，佢提起下個星期我哋啫喱三個約咗去台灣玩，記得唔好遲去到機場 係喎，我都好耐冇去過台灣咯，上次記得係舊年全家人一齊去過。

我又掛住自己屋企。 





我知道阿爸間舖喺邊，不如聽日試吓過去睇吓。 

但係我一個過去會唔會太過搶眼？ 

不如約埋趙若雲（小雲）一齊過去啦，小雲係我嘅好閨蜜。 

我直接係打電話俾佢。 

佢一接電話就話：「阿恩，有何貴幹？」 





我話：「妳聽日晏晝有冇時間呀？食個飯？我哋都有段時間冇見囉。」 

佢爽快：「冇問題！時間地點？」 

我話：「我直接將個地址發俾妳。」 

佢回：「No problem！」 我將阿爸舖頭個地址俾咗小雲。 

發生咗身體互換都啱啱一個禮拜，其實一直喺新屋企完全唔係問題，因為都係自己（女）嘅。 

但係真正自己屋企已經冇返咁耐，而且又唔可以直接返去，就唯有去舖頭啦。