我買左宵夜上女朋友屋企: 第四章 求助

我立即二話不說衝出門口!!
我第一時間腦海只浮現一樣野
就是: 報警!!!

街上行人寥寥可數, 格外靜謐.
所有商鋪都下了鐵閘, 沒有了滿街的自由行, 
不用再無道理地包容, 不用再受高八度的你厚多士煩擾,
繁榮的香江斂了華彩, 別有一番風貌. 
警局的燈光在黑暗中獨自儜立,
大堂事務處坐著一個四五十歲的警察,


輕微地中海,身型幾分似林雪,典型香港麻甩中佬.


「請問有乜幫到你?」佢抬頭望望我, 語帶輕浮.
「我女朋友失左蹤 我搵唔到佢 我好...好擔心佢出左事!」
想到bliar有可能已經遇害, 我眼淚一下湧上心頭

「對上一次聯絡係幾時?」
「大概11點幾我收到佢whatsapp,話去旅行」



中佬警察稍一稍我,眼神帶點不屑:
「先生!你應該知道成年人失蹤24小時先受理!你地宜家d後生唔好嗌下交就上差館得唔得啊?!浪費警力!」

「咩事啊先生?」呢時候,有個年約廿幾歲既警察行過黎.
「我懷疑我女友已經遇害...」
向來對警察無乜好感既我儘量沉住內心焦急同憤怒,希望可以理性d.

「咁你女朋友名, 電話, 家人同事朋友等資料講比我知」
大概後生警察明白我既焦急,所以非常認真看待我.



「我女朋友叫何佩婷, 電話係5109...............」
相識四年,bliar既所有資料我都背誦如流, 
唯獨係我沒有見過她家人, 佢只說過她家人在海外, 然後隻字不提.

後生警察不斷在電腦前搜索,
然後挪動液晶螢幕向住我,指一指螢幕道:
「先生, 你所講既係咪呢位女士?」
熟悉既容貌映入眼簾, 「係,就係佢!」

聽完之後後生警察突然面色一沉, 同中佬警察對望左一眼.
隱約間,我感到氣氛十分不妥,卻怎麼也說不出那到底是什麼。 

中佬警察緩緩開口,略帶凝重:「先生, 你確定係佢? 資料上顯示呢個人係兩年前已經登記死亡。」