我買左宵夜上女朋友屋企: 第五章 線索

死....死亡..?!

突如其來的一切都係晴天霹靂!!!!

我忍住眼淚, 強行揚起嘴角, 努力擠出笑容, 
我可以想像當時容貌一定係面容扭曲,
嘴唇微微顫抖,道: 
「哈哈...啊sir咪玩我啦...我上個月...先同佢睇完美國隊長喳喎! 何佩婷....佢前排先番完工喎!」
我努力裝作輕鬆, 苦笑望住個中佬警察,
真期望佢會笑住同我講返句屌我講下笑姐!



可惜, 佢表情依舊沉重: 「先生, 你冷靜d先..我見過好多似死者家屬因為唔肯接受現實而出現類似你既狀況, 幻想死者依然在生, 我建議你接受心理輔導.....」


「唔係呢, 我覺得....」我嘗試繼續說服
「先生我明白你既心情...」後生警察講
「我收到一樣好奇怪既野...」我打算拎個USB出黎作證據
「先生你再係咁,我地有權話你阻差辦公!」林雪開始唔耐煩.

我毅然轉身離開差館, 


以前以為有咩事可以尋求警方協助,
估唔到依家比人以為我精神有問題!
無錯, 原來佢地只係係用胡椒噴霧上較為拿手.
我明白警察已經幫唔到我, 我呢一刻好無助!
出軌? 短片?消失?兩年前死亡?
啊係!短片! 摸一摸褲袋既USB!
只要去網吧翻查條片後半部就知究竟發生咩事.